PRESENTACIÓN PDI: EXPLORADORES DE 3º EN... AUSTRALIA

Os exploradores de 3º, coma viaxe final foron ben lonxe, chegaron ás Antípodas, para cumplir coa misión que lles encarara Freddie, a mascota da aula de inglés.

Xa de volta da súa viaxe, quixeron compartir cos compañeiros todo o que descubriran neste incrible país. Aí van a presentación máis o conto que inventaron e que podedes ler na biblioteca!

E PARA REMATAR A NOXA VIAXE... PRESENTAMOS OS NOSOS TRABALLIÑOS SOBRE O PDI (parte I)

Este ano, como tarefa final do noso proxecto anual, propuxemos que durante estas dúas semanas, ás que chamamos Semanas Culturais de Conmeniño, os alumnos do cole  presentasen un traballo relacionado co aprendido na nosa "Volta ao mundo montados nun prato". Deuse total liberdade para o tipo de traballo, o importante era que o alumnado compartise o aprendido para así, entre todos, enriquecer a nosa viaxe.

Así, estamos a atoparnos con actividades moi variadas e sorprendentes. Hoxe deixámosvos coas presentacións dos nenos de Ed. Infantil.

Os nenos de 4º de Ed. nfantil presentáronnos unhas adiviñas moi saborosas, empregando así o tema das froitas escollido na súa clase para traballar neste curso.

Os nenos de 5º de Ed. Infantil levaron á Eiruga Larpeira con eles a Italia e nos contan o que por aquelas terras lle aconteceu:

E os investigadores de 6º de Ed. Infantil tamén se desplazaron ata Italia e tráennos un documental sobre a Torre de Pisa, non vos perdades o que descubriron estes pequenos investigadores!

NOVAS DA MAN DOS NOSOS REPORTEIROS: CONCURSO DE COMBA

Redacción: Nerea Boullosa e Manuel Pérez.     

Ola, rapaces!!!

      Aquí estamos de novo os Reporteiros Larpeiros, que nesta ocasión vos imos falar do concurso de comba.

      O concurso celebrouse no noso pavillón, nas semanas do 7 ao 17 de abril.

      Podían participar todos os nenos de primaria, e os colaboradores eramos os nenos de 5º e 6º.

      Uns facían de xuíces contando e anotando os saltos de cada participante, outros daban á comba e outros eramos os fotógrafos: nós, os Reporteiros Larpeiros, quitando fotos aos nenos que saltaban, aos xuíces etc…

      Para saltar faciamos da seguinte forma: nós, os de 5º e 6º, saltabamos en grupos de tres; os de 3º e 4º ían en parellas; e para finalizar, os nenos de 1º e 2º ían de un en un.

     Nesta táboa podedes ver quen conseguiu saltar máis:

CATEGORÍA	PARTICIPANTES
1º	Gisela, Zaira e Saúl Alfonso
2º	Sofía, Saínza, Uxía García e Áfrika
3º e 4º	Antía (3º) e Arantxa (4º)
5º e 6º	Aitana, Julia e Noa (todas de 5º)

      Ademais detes compañeiros, todos os participantes o fixeron moi ben.

Parabéns!

     Se queredes ver as imaxes, deixámosvos este vídeo.

  II concurso de comba CEIP Conmeniño from Pilar Santos on Vimeo.

                                                                                

AREPAS VENEZOLANAS

     Cando xa queda pouco para poñer fin ás viaxes culinarias dos nosos reporteiros internacionais, temos aquí unha nova receita.

      Tráenola GABRIEL, que quere presentarnos outro dos platos típicos de VENEZUELA, igual que o arroz con leite de coco que xa coñecemos da man doutro reporteiro. Nesta ocasión son as AREPAS. Agardamos que vos gusten!

AREPAS

laboriosa x 4 persoas x tempo de elaboración: 40 min + 2 h e 1/2 de cocción da carne

PRECISAS

1 pota

1 tixola

1 relador

1 prancha

1 recipiente

INGREDIENTES

250 g de fariña de millo branca cocida (fariña especial para arepas)

130 g de agua

100 g de queixo mozzarella

5 g de sal

500 g de carne de tenreira (mellor de agulla ou falda)

1 cebola pequena picada fina

1 dente de allo picado fino

2 tomates relados

colorante alimentario

1. Coloca a fariña, a auga, o queixo mozzarella en anacos e o sal nun recipiente.

2. A continuación, traballa a mestura até forma unha masa que non se pegue e coa que se poida facer unha bola.

3. Agora, prepara o recheo das arepas.Coce a carne durante dúas horas e media e despois déixa arrefriar e desfébraa.

4. Refoga nunha tixola a cebola co allo e cando estea ben pasada, engádelle o tomate relado e deixa cocer todo uns minutos.

5. Logo, incorpóralle a carne defebrada e mestura ben todo. Só queda darlle un fervor e reservar xa fóra do lume.

6. Para rematar o prato, fai bólas fai bólas coa masa e aplánaas. Acaba de cociñalas na prancha ou tixola.

7. Córtaas pola metade e éncheas coa carne desfebrada e quente. Xa están listas para servir.

      Se non temos moito tempo, tamén podemos facer as arepas con queixo e embutidos diferentes no lugar da carne (chourizo, xamón york...).

 Imos aló coa masa!

Primeiro mesturar... e logo amasar.

 Agora imos co recheo

 E o mellor de todo para rematar: a comeeer!

Estas arepas xunto co arroz con leite de coco como postre, formarían un menú venezolano exquisito e moi nutritivo.

TORTA SELVA NEGRA DENDE SUÍZA

      Nin máis nin menos que ata SUÍZA chegaron os nosos reporteiros ANTÓN e UXÍA! 

      Agora están aquí para convidarnos a probar a saborosa TORTA "SELVA NEGRA". Toda unha delicia de chocolate e nata! Mmm...

TORTA SELVA NEGRA

fácil  x  para 4 persoas  x  tempo de elaboración: 10 minutos

PRECISAS

1 batedor

1 recipiente

1 manga pasteleira

1 espátula

INGREDIENTES

1 biscoito de chocolate

150 g de labras de chocolate

750 g de tona líquida

150 g de azucre

1. Primeiro, debes montar a tona con azucre até conseguir unha textrura firme.
2. A continuación, corta o biscoito formando dous discos.
3. Sobre unha das partes do biscoito, bota a nata montada e cobre coa outra metade do biscoito.
4. Por último, esparexe por riba as labras de chocolate.

Para facer o biscoito máis brandiño, podes mollalo cun pouco de xarope.

Traballo en equipo... xenial!

 Con esta bonita decoración a torta é aínda máis apetitosa

Quen a probe quererá repetir así que... dúas mellor que unha!

SINCRONIZADA MEXICANA

      De novo temos aquí unha saborosa receita! Que será esta vez?
      Pois trátase da SINCRONIZADA, que o reporteiro ROI nos trae da súa viaxe por MÉXICO.
     Aquí vola deixamos.

SINCRONIZADA

moi facil  x  para 4 persoas  x  tempo de elaboración: 10 minutos

PRECISAS

1 prancha ou tixola

1 espumadeira

INGREDIENTES

8 tortillas de millo ou trigo mexicanas

16 rebandas de queixo

8 rebandas de xamón cocido

1. Nunha tixola, tostas as tortillas de millo ou trigo polos dous lados. 

2. Na ultima volta, colocas primeiro o queixo para que se pegue ás paredes, logo o xamón e logo o queixo. 

3. Por ultimo, pos enriba outra tortilla xa tostada a modo de tapadeira.

Este é un prato moi sinxelo para merendar que os nenos mexicanos acompañan con guacamole. 

Unha merenda ben apetitosa!

 Como vedes, moi fácil de preparar. Animádevos a probalo!

A QUE SABE A PAZ NO MUNDO?

Alá polo mes de xaneiro con motivo do Día da Paz, o ratiño fíxonos unha pregunta: A que sabe a paz no mundo?O ratiño e a ratiña deixaron a mesa posta con pratos para cada aula e un sobre no que viña o nome de 2 países, tiñamos que investigare imaxinar a que sabería a paz neses países que nos tocaron, así que puxémonos mans á obra!

Os nenos maiores do cole fixeron un mapa mundi co que acompañar a nosa "Volta ao mundo montados nun prato".

Nel, unha vez escritos os nosos poemiñas ou pequenos textos, engadimos os nomes dos continentes e países que nos encargou o ratiño e despois, cada grupo colgou os pratos cos sabores da paz no mundo. 

A continuación deixámosvos un mapa interactivo no que, clicando nos circuliños de cores, poderedes escoitar a que sabe a paz no mundo para nós. 

MACARRÓNS Á CARBONARA

      Ola, ratiños!

      ITALIA é un dos países que teñen os seus pratos típicos máis espallados polo mundo. Deben de existir poucos recunchos onde non se coñezan as pizzas e as pastas. 

      Fai unhas semanas que un dos nosos reporteiros nos trouxo de Italia a receita do tiramisú, e ata alí quixo voltar SERGIO, para presentarnos agora unha receita de PASTA.

MACARRÓNS Á CARBONARA

moi fácil  x  para 4 persoas  x  tempo de elaboración: 25 minutos

PRECISAS

1 pota

1 recipiente

1 tixola

1 garfo

INGREDIENTES

500 g de macarróns

200 g de bacon

3 ovos

50 g de queixo parmesano relado

sal e pementa negra en gran

1. Coce a pasta segundo as intruccións indicadas no envase.

2. Mentres, bate os ovos con un pouco de sal, unha chisca de pementa e 2 culledaras de queixo relado. Resérvaos.

3. Sofrite o bacon na tixola cortado en tiras finas, remexendo para que se doren por igual. Retíaro do lume e resérvao.
4. Cando a pasta estea cocida no seu punto (al dente), escórrea (non demasiado) e bótaa de novo na pota de cocción a lume lento. Bota por enriba o batido de ovo e mestúaro ben coa pasta antes de que calle. Despois bota a bacon e mestura de novo.

     5. Sirve a pasta ben quente espolvoreando por enriba pementa negra e queixo
        relado.
        

botar os ovos é o máis difícil, pero Sergio faino estupendamente

vaia, vaia... que maña ten este reporteiro na cociña!

coidado co coitelo!

isto xa case está...

e despois de cociñar... a disfrutar!

ARROZ CON LEITE DE COCO

      Os Reporteiros Larpeiros preparáronnos xa outra apetitosa receita. De novo algo doce... é certo que son ben larpeiros!
      MANUEL PÉREZ tráenos de VENEZUELA un ARROZ CON LEITE un pouco diferente. Mirade, mirade...

ARROZ CON LEITE DE COCO

PRECISAS

1 pota

1 culler de madeira

ELABORACIÓN

medio litro de leite de coco

50  g de arroz

100 g de azucre

1 rama de canela

a pel de medio limón

PREPARACIÓN 

1. É moi sinxelo: pon a cocer todos os ingredientes a fogo lento até que o arroz estea cremoso.

 non esquezas remover para que non se pegue

Ata a próxima!

GALLETAS DE MANTEIGA DE CACAHUETE, UNHA RECEITA DENDE ESTADOS UNIDOS

Hai unhas semanas, nas clases de inglés, para festexar o día de San Valentín, os nenos de 4º puxéronse mans á obra para elaborar unha saborosa receita coa que gozar desta tradición que en EEUU se chama "Día do amor e da amizade". Cuns poucos ingredientes que todos temos na casa e MANTEIGA DE CACAHUETE, fixemos as sinxelas galletas. Podedes ver a receita no vídeo que tedes a continuación, agardamos que vos guste!

BACALHAU Á BRÁS

      Ola, ratiños de Conmeniño!
      Os nosos Reporteiros Larpeiros non deixan de traballar!
      Desta volta foi AINHOA MAQUIEIRA quen viaxou dende a súa cociña ata PORTUGAL para traernos este  prato de peixe.
      Unha maneira diferente de preparar o BACALLAU, e sobre todo, moi, moooi saboroso.

 BACALHAU Á BRÁS

para 4 persoas   x   preparación: fácil  x  tempo de elaboración: 90 minutos

PRECISAS

2 tixolas

1 coitelo

1 táboa
 
INGREDIENTES

400 g de bacallau desalgado

100 g de cebola

100 g de patacas

4 ovos

12 olivas negras

25 g de aceite de oliva


 PREPARACIÓN

1. Pela as patacas e córtaas primeiro en rodelas finas .

2. A continuación, fríteas até que estean douradas e resérvaas para máis tarde.

3. Agora corta a cebola en tiras e refógaa nunha tixola con aceite.

4. Vai engadindo o bacallau esminuzado na tixola e ao final bota tamén as patacas e remove todo.

5. Casca os ovos por riba e remove coma se fixeras un revolto.

6. Por último, decora coas olivas negras. Á hora de servir, podes darlle formas divertidas con diferentes moldes.

poñémonos mans á obra...

...e deseguida o teremos preparado

 

aquí tedes o resultado...

...unha presentación estupenda para este prato especial

Que aproveite!

EXQUISITO POSTRE DENDE ITALIA

      Que tal, ratiños?

      Temos nova receita dos Reporteiros Larpeiros!

      Esta vez ALEX viaxou dende a súa cociña ata ITALIA acompañado dos seus amigos Adrián e David, e preséntannos este postre delicioso: TIRAMISÚ.

      Velaquí a deixamos para vós.

TIRAMISÚ

para 6 persoas   x  preparación: fácil   x  tempo de elaboración: 45 minutos

PRECISAS

1 batedor

1 recipiente

1 fonte de forno

INGREDIENTES

500 ml de tona líquida

4 xemas de ovo

500 g de queixo mascarpone

20 biscoitos de soletilla

150 g de azucre

1 cunca de café

cacao puro en po

PREPARACIÓN

1. Comeza por montar a tona coa axuda do batedor.

2. Nun recipiente, mestura o queixo, as xemas de ovo e máis o azucre.

3. Engádelle a nata montada a esta mestura.

4. Agora, na fonte, coloca os biscoitos mollados en café até cubrir todo o fondo.

5. Logo bota un capa da crema de queixo.

6. Repite a operación cos biscoitos e a crema.

7. Esparexe por riba o cacao puro en po.

 facer un tiramisú é moi doado

aos nosos convidados encantoulles

 exquisito!!!

Animádevos a probalo.

DENDE AS VOSAS COCIÑAS ATA... ESCOCIA

Ola ratiños!

Xa temos as primeiras fotos para o noso mural!

Son as de Zaira Vidal Domínguez de 1º de primaria, que esta fin de semana preparou unhas riquísimas galletas escocesas.

Seguro que tanto ela como a súa mamá o pasaron xenial cociñando.

Por ser as primeiras, o ratiño e a ratiña adicámoslle esta entrada do noso blogue e amosamos aquí as súas estupendas fotos.

 Estas galletas teñen unha pinta fantástica!

Moitísimas grazas, Zaira e Susana!

PRIMEIRAS RECEITAS DOS REPORTEIROS LARPEIROS DENDE ESCOCIA E ARXENTINA

      Comezamos aquí a nosa serie de receitas do mundo.

    As reporteiras AINHOA MEIS e NEREA fixeron xuntas esta receita de GALLETAS de ESCOCIA, para empezar con algo sinxelo, pero non por iso menos saboroso.

      Tamén se animaron a probar os PANQUEQUES CON DOCE DE LEITE, típicos de ARXENTINA e moi parecidos ás nosas riquísimas filloas.

      Estaba todo boísimo!

 

GALLETAS ESCOCESAS

para 4 persoas    x    preparación: moi fácil    x    tempo de elaboración: 30 minutos

PRECISAS

1 recipiente

1 bandexa de forno

1 forno

INGREDIENTES

100 g de manteiga

50 g de maicena

100 g de fariña

50 g de azucre

PREPARACIÓN

1. Introduce todos os ingredientes no recipente e mestúraos.

2. Despois vai collendo anacos da masa e dalles forma de galletas.

3. Fornéas a 180º C durante 15 minutos.

4. Déixaas arrefriar un pouco e xa están listas para comer.

 

mesturamos os ingredientes

amasamos ben

dámoslle forma ás galletas

metémolas no forno

e listas para degustar!

PANQUEQUES CON DOCE DE LEITE

para 4 persoas    x    preparación: fácil

x    tempo de elaboración: 40 min + 2 h e 1/2 de cocción do leite    x

PRECISAS

1 tixola antiadherente

1 pota

1 batedor

1 recipiente

1 cullerón

1 espátula pequena ou coitelo para darlle a volta aos panqueques

INGREDIENTES

para o doce de leite

1 bote de leite condensado

para os panqueques

2 ovos

1 l de leite

50 g demanteiga fundida

125 g de fariña

25 g de azucre

sal

PREPARACIÓN

para o doce de leite

1. Pon o doce de leite condensado a cocer durante 2 horas e media dentro dunha pota e cuberto con auga abundante.

2. Trancorrido este tempo, déixao arrefriar e abre o bote. Véras que está máis denso e de cor marrón.

para os panqueques

1. Coloca todos os ingredientes nun recipiente e utiliza o batedor até que non quede ningun gromo.

2. Despois, nunha tixola ben quente bota un culleirón da masa dos panqueques e esténdea para que quede ben fina.

3. Deixa que se faga durante 10 segundos por cada lado e retira a un prato. Repite esta operación até que remates coa masa.

4. Por último, enche os panqueques co doce de leite e xa está listo o prato para presentar.

 batemos os ingredientes dos panqueques

 untámolos con doce de leite ou tamén con confitura, crema de cacao...

e este é o resultado

A vindeira semana estaremos aquí con unha nova e exquisita receita. Animádevos a probala e contádenos que vos pareceu.

E non esquezades facervos a foto e traérnola para o mural.

Bo proveito!