mércores, 31 de decembro de 2014

NADAL SABOROSO I

Ola ratiños!

Como van esas vacacións? Agardo que as esteades disfrutando moitísimo. Xusto antes de despedir o ano,  un repasiño do que foi o noso Nadal saboroso (decoracións, calendarios, receitas...)


Nuns días iremos publicando as actuacións e traballos de investigación. 

FELIZ ANO NOVO A TODOS!

venres, 19 de decembro de 2014

martes, 16 de decembro de 2014

MENÚ LECTOR PARA UN NADAL BEN SABOROSO!

Ola ratiños!

Xa chega o Nadal, e con el, entre outras cousas, a hora de escribir a carta aos Reis Magos a ver se nos poden traer algún agasallo. Para que teñades algunhas ideas, aquí vos deixo unhas recomendacións de libros ben saborosos :)


domingo, 14 de decembro de 2014

TRADICIÓNS DE NADAL POLO MUNDO

Ola a todos!

Hoxe tráiovos unha moi interesante actividade LIM realizada polos mestres do CEIP Frián Teis (Vigo), coa que poderedes coñecer diferentes variedades de pans doces polo mundo. Unha moi boa actividade para seguir dando a volta ao mundo montados nun prato!


A verdade é que nese cole son uns expertos en panes, se queredes saber por que o digo, só tedes que ver o seguinte vídeo. Premede na imaxe inferior.


Noraboa a estes expertos en pans e aos seus mestres polo grande traballo! E MOITAS GRAZAS POR COMPARTILO CON TODOS NÓS!


mércores, 10 de decembro de 2014

SAMAÍN 2014- 2ª parte (DA MAN DOS NOSOS REPORTEIROS LARPEIROS)

Ola a todos!

Os reporteiros larpeiros de 6º traémosvos a crónica máis completa do noso Samaín, coas vosas opinións e todo. Non volo perdades se queredes recordar este día tan terroríficamente saboroso!

martes, 9 de decembro de 2014

REPORTAXE DÍA DAS BIBLIOTECAS (REPORTEIROS LARPEIROS)

Ola ratiños!
Somos os vosos amigos os reporteiros larpeiros de 6º.
Hoxe traémosvos unha pequena reportaxe sobre o Día das Bibliotecas que se celebrou no noso cole. Aquí a tedes.

"Ola, son Alex Iglesias, o Reporteiro Larpeiro de 6º. Hoxe vouvos contar como foi o noso Día das Bibliotecas.

O pasado 24 Outubro celebrouse o Día das Bibliotecas. Por iso,no noso colexio fixemos algo especial. Cada clase, uns días antes, elixiu un tema sobre o mundoe os seus alimentos. Fixemos grupos e ese día fomos visitando cada clase: a primeira foi a de 3 anos, que escolleu “Os Froitos do Outono”. A súa porta era moi orixinal, con forma de árbore e dela colgaban castañas coa cara de cada neno.

A segunda foi a de catro anos que escolleron"Italia". Tiñan a clase decorada con platos italianos, as bandeiras e góndolas venecianas. Logo fomos á de cinco anos que escolleron"Hawaii". Alí na porta tiñan un saúdo hawaiano, ”Aloha” que significa ola.

Despois subimos ao primeiro andar e alí visitamos a clase de primeiro; eles escolleron”Reino Unido”. Alí nos tiñan preparada unha mesa para tomar o té.

Despois fomos a de 2ºA a ver como tomaban o mate os arxentinos, a taza chámase porongo.;
Despois fomos á de 2ºB que elixiu ”China”. Alí non podían deixar o prato baleiro porque era de mala educación, tiñas que deixar un pouco de comida para que saiban que estás farto e que todo estaba boísimo.

Logo fomos ao supermercado de 3º que tiñan de todo”Philadelfia”, “Costillas de Cerdo”. 4º foi o seguinte que fomos, tiñan alí a un grovense que ganou un premio, que se chama “Javier Olleros” que si queredes velo cociñar está en San Vicente no restaurante”Culler de Pau”.

Logo fomos a quinto que traballaron sobre México. Alí o seu prato mais apreciado eran os “Chapulines” que en español son saltóns fritos. E por último os de 6º que somos os Reporteiros Larpeiros do colexio. Que iremos polo colexio e polo mundo investigando cada vez mais cousas."

luns, 8 de decembro de 2014

DESEÑAMOS UN LOGO PARA O PDI

Ola ratiños!

Aquí vos traio unha pequena compilación dos logos que deseñastes para o proxecto da biblioteca "A volta ao mundo montados nun prato" Bo traballo e moitas grazas por debuxarnos a ratiña e a min tan fermosos ;)




Os reporteiros larpeiros anunciaron o gañador por megafonía, 


que foi este,


 de Sara Reboredo Rey, de 4º de primaria. Parabéns, Sara!



xoves, 4 de decembro de 2014

XOGANDO E COMENDO POLO MAGOSTO 2014!

Un ano máis, celebramos o magosto, non puido ser no Día de San Martiño por mor da choiva, pero houbo Magosto!

E, como non podía ser doutra maneira, alí estaban os reporteiros larpeiros de 6º para documentar o momento. Deixámosvos aquí o vídeo que prepararon cos diferentes xogos e a castañada!

Agardamos que vos guste!

luns, 1 de decembro de 2014

DE VOLTA POLO MUNDO, PARADA CULTURAL E GASTRONÓMICA EN EEUU- CELEBRAMOS ACCIÓN DE GRAZAS

Ola ratiños!

Neste proxecto anual que nos leva a dar unha "Volta ao mundo montados nun prato", na aula de inglés vin que fixestes unha parada en EEUU. Hoxe tráiovos un pequeno vídeo que recolle o traballiño realizado para conmemorar a festa de Acción de Grazas. Agardo que vos guste. Vin que traballastes un montón e seica o pasastes xenial! Se queredes saber máis sobre todo o que prepararnon os ratiños nas clases de inglés, premede AQUÍ.


E, xa de paso... a nova publicada no xornal Faro de Vigo o pasado venres 28 de novembro que recollía a actividade. Só tedes que premer na imaxe inferior.


Para saber máis de todo o que pasou en Acción de Grazas no nosos cole, premede AQUÍ.
E se queredes ver todas as fotos da festa, premede AQUÍ.

xoves, 13 de novembro de 2014

A CASTAÑA QUE REBENTOU DE RISA

Ola ratiños!
Premendo na imaxe poderedes ler e escoitar a historia "A castaña que rebentou da risa", un conto ideal para este tempo de outono. Ademais poderedes facer as actividades despois do conto para ver se entendestes todo :)


xoves, 6 de novembro de 2014

SAMAÍN 2014-2ª PARTE

Ola ratiños!

Aí vai a compilación das vosas marabillosas cabazas! Este ano no que andamos dando "A volta ao mundo montados nun prato", o tema proposto para as cabazas foron os alimentos, os países, a xeografía... E unha vez máis as familias deixástenos a todos abraiados. PARABÉNS ÁS FAMILIAS POLA SÚA CREATIVIDADE E COLABORACIÓN, MOITAS GRAZAS!

martes, 4 de novembro de 2014

SAMAÍN 2014-1ª PARTE

Ola a todos!

Aquí vos deixo un pequeno vídeo co que foi o noso Samaín rodeados de pratos! Os días previos buscamos na rede diferentes ideas para preparar aperitivos de medo, escollemos un para cada grupo e na mañán de Samaín fixémolos cos compañeiros para logo compartilos con todo o cole. Foi unha mañan xenial e, xa sabedes, se queredes repetir as receitas, AQUÍ as tedes! 


Tratouse dun traballo cooperativo que deu moi bos resultados, BO TABALLO, rapaces! Agardo que gozarades moito desta merenda preparada por vós mesmos!

xoves, 30 de outubro de 2014

RECEITAS DE SAMAÍN

Ola ratiños!

Despois de ver a boa pinta que tiñan os  aperitivos de Samaín esta mañán, aquí vos deixamos unha pequena compilación coas receitas por se queredes repetilos nesta longa fin de semana. Pinchade na imaxe para ir ao documento.

E estade moi atentos, nos vindeiros días, as imaxes e as crónicas do noso Samaín - Halloween, o noso Día das Bibliotecas escolares... Levamos uns días moi ocupados!

Que pasedes unha moi boa fin de semana!





martes, 28 de outubro de 2014

DÍA DAS BIBLIOTECAS ESCOLARES I

O pasado venres 24 de outubro celebrouse o Día das Bibliotecas Escolares. No noso cole, relacionado co noso proxecto deste curso, o ratiño propúxonos o seguinte: 



Aquí vos deixamos unha pequena presentación de imaxes co que pasou no cole ese día e, en breve, os REPORTEIROS LARPEIROS de 6ºde primaria farán a súa crónica do evento, estade moi atentos!

sábado, 4 de outubro de 2014

SELECCIÓN DE RECURSOS PARA O NOSO PDI

Ola a todos!
Deixámosvos aquí unha selección de recursos e ligazóns como inspiración e material complementario para o desenvolvemento do PDI.


martes, 30 de setembro de 2014

XA TEMOS TÍTULO PARA O PDI - COMEZAMOS!

Ola ratiños!

Xa é oficial, xa temos título para o proxecto sobre o que imos traballar neste curso.


Quedei abraiado co rápidos que fostes atopando todas as pistas no patio e que ben seguistes as instrucións que vos demos a ratiña máis eu no correo electrónico que vos enviamos. 



Agora entón, toca poñerse mans á obra! Todos preparados? Abrochen os cinturóns, partimos dar "A VOLTA AO MUNDO MONTADOS NUN PRATO".

luns, 15 de setembro de 2014

XA ESTAMOS DE VOLTA!



Ola a todos! 

Xa estamos de volta, e con moita enerxía para comezar un novo proxecto co que aprenderemos unha morea de cousas. Como xa vos dixen, este ano estaremos acompañados pola ratiña (antes serea) que, por arte de namoramento, perdeu a cola xusto a tempo!

Polo de agora, só vos deixamos algunha pista a ver se sodes quen de adiviñar cal vai ser o tema do proxecto deste curso. Estade ben atentos e abride ben os ollos para non vos perder ningunha sinal.


Deica a próxima e.... BENVIDOS AO CURSO  2014/2015!


luns, 30 de xuño de 2014

DESPEDIDA DENDE O FONDO MARIÑO V

E, xa para rematar co resumo do noso festival dende o fondo mariño, os vídeos de recordo dos nenos que cambian de etapa e cos que celebramos a súa graduación.

Os nenos de 6º de Ed. Infantil faláronnos de como foi esta etapa para eles:


E, para os nenos de 6º de primaria, esta compilación de imaxes do seu paso polo colexio:


sábado, 28 de xuño de 2014

DESPEDIDA DENDE O FONDO MARIÑO IV

Hoxe tráiovos os vídeos que faltaban do noso festival de fin de curso.

Comezamos cun grupiño de  nenos de 4º de primaria, que nos contaron a historia "Noite das Mudanzas" con teatro de sombras.



O alumnado de 6º de primaria deixounos a todos abraiados coa representación da obra "O rei bandullán"que aquí vos deixamos.


E, como actuación final, tamén os nenos de 6º de primaria cantaron "Si me voy", a sonada canción dos vasos! Foi un momento cheo de emocións!



xoves, 26 de xuño de 2014

DESPEDIDA DENDE O FONDO MARIÑO III

Ola de novo, ratiños, aquí vos deixo máis actuacións do voso festival de fin de curso.

Comezamos coa representación que os nenos de 1º fixeron do conto "Dona Carme".



Seguimos coa actuación dos nenos de 2º, que descubriron que  "Hai un colexio no fondo do mar".

Os nenos de 4º representaron unha obra de teatro en inglés "Sad crab in a hat", coa actuación estelar dos "Conmeniño School Beatles"!



E, xa para rematar por hoxe, dende a aula das baleas "Ondiñas veñen e van"


mércores, 25 de xuño de 2014

DESPEDIDA DENDE O FONDO MARIÑO II

Ola ratiños!
Tal e como acordamos, aquí vos traio a 2ª entrega do fin de curso mariño de Conmeniño.

Comezamos cos nenos de 4º de EI, que cantaron "En el fondo del mar..."



Os nenos de 1º e 2º presentáronnos a súa curta "Non quero ser un polbo!", e fixérono así:



Os nenos de 5º de EI foron ao mercado no fondo do mar e alí...



martes, 24 de xuño de 2014

DESPEDIDA DENDE O FONDO MARIÑO I

Ola a todos! Xa hai uns días que rematou o colexio para vós, pero eu aínda sigo polo cole ultimando moitas cousiñas para o vindeiro curso.
O pasado xoves e venres celebramos o fin de curso mariño de Conmeniño cun festival que estivo xenial. Pouco a pouco irei publicando os vídeos das vosas actuacións, pero hoxe para comezar, un pequeno vídeo resumo do noso festival de despedida!

Agardo que vos guste e que esteades a pasar unhas moi boas vacacións!
Pronto, as vosas actuacións!

xoves, 19 de xuño de 2014

UN NOVO NÚMERO DA NOSA REVISTA ESCOLAR - RAPACES E RAPAZAS Nº 72

Ola ratiños!

Aquí vos deixo o último número da nosa revista escolar, chea cos vosos traballiños, experiencias e aventuras mariñas neste curso. Coma o curso pasado, levarédela todos a casa nun CD. Bo traballo, ratiños!

sábado, 14 de xuño de 2014

NOS TAMÉN CREAMOS 2014 - AS NOSAS CURTAS

Como xa sabedes, este ano, igual que no curso pasado, participamos no concurso "Nós tamén creamos!", patrocinado pola Secretaría Xeral de política Lingüística xunto coa Editorial OQO e en colaboración coa RTVG. 
Neste curso, fomos os nenos de 1º a 4º de primaria e 6 mestras os que decidimos somerxernos nesta aventura (xa que estabamos de viaxe submariña...), polo que decidimos facer dúas curtas. Agora que xa están colgadas na sección infantil da páxina web da RTVG, xa podemos compartilas con todos vós. Agardamos que vos gusten!

"Non quero ser un polbo!" (alumnado de 1º e 2º de primaria)
http://www.crtvg.es/infantil/nos-tamen-creamos/ceip-conmenino-non-quero-ser-un-polbo

"Ranilda" (alumnado de 3º e 4º de primaria)
http://www.crtvg.es/infantil/nos-tamen-creamos/ceip-conmenino-ranilda

 Queredes saber todo sobre como as fixemos? AQUÍ o descubriredes!

Se queredes recordar a nosa curta do ano pasado... premede AQUÍ

E, xa para rematar,  se queredes ver os  traballiños feitos noutros coles, NESTE ENLACE atoparedes todas as curtas presentadas ao concurso este ano.

PD: NORABOA, rapaces e profes, BO TRABALLO!

luns, 9 de xuño de 2014

LER... CUN POUCO DE IMAXINACIÓN!

Ola ratiños!!!
Hoxe escribo para amosarvos a todos algo co que quedei moooi sorprendido. Ía eu paseando polo cole o outro día cando... de súpeto escoitei que algo pasaba na clase de 1º... Púxenme a escoitar tras a porta e estaban lendo unha historia dun robot, pero non era un robot calquera, non! Era un robot feito con imaxinación: con cousas da cociña, do salón, un aspirador... que disparate! Ou non... porque cal foi a miña sorpresa cando escoitei que os pequechos de 1º, con aquela lectura puxeron tamén a funcionar a súa imaxinación e comezaron a idear un robot feito coas cousas da clase. Que xenial é ler, que rato tan divertido pasaron (e eu tamén...) Pero non quedou aí a cousa, non. Botándolle aínda máis imaxinación, na súa casa, fixeron estes robots que podedes atopar polos corredores do cole. Bo traballo, rapaces, encántanme!


EN 1º... UN POUCO DE IMAXINACIÓN on PhotoPeach
Xa sabedes...


PD: Á sereíña tamén lle encantan...

mércores, 4 de xuño de 2014

NOS TAMÉN CREAMOS 2014-MAKING OFF

Ola a todos! Mentres non podemos publicar as curtas de animación que os nenos de 1º a 4º fixeron para o concurso "Nós tamén creamos", deixámosvos un pequeno vídeo resumo de como as fixemos. Agardamos que vos guste!!!

nonqueroserunpolbo+ranildamakingoff from Hello Teacher on Vimeo.

luns, 19 de maio de 2014

DIA DO LIBRO 2014 - II

E xa para rematar co Día do libro, aquí vos deixamos algúns dos traballiños que os ratiños de Conmeniño fixeron despois das sesións de contacontos que tiveron lugar durante a nosa  Semana do Libro.

Os máis pequenos fixeron manualidades relacionadas cos contos:





E os nenos de 1º a 3º de primaria inventaron os seus propios finais para as historias que lles contaran:


                                 



                                     






E coma sempre, se queredes ver ou descargar todas as fotos, só tedes que premer AQUÍ.

mércores, 7 de maio de 2014

LETRAS GALEGAS 2014- XOSÉ MARÍA DÍAZ CASTRO



Como xa sabedes, este ano adícase o Día das Letras Galegas ao poeta lucense Xosé Mª Díaz Castro. Para descubrir máis cousas da vida e obra deste escritor galego, só tedes que premer na imaxe superior.

Premendo AQUÍ, atoparedes unha morea de recursos cos que aprenderedes moitas máis cousas sobre este autor.

Premendo na imaxe inferior, pódese acceder a unha compilación de recursos: unha unidade didáctica, un documental sobre a súa viad feito no IES Poeta Díaz Castro de Guitiriz, un Karaoke...!


Premendo na seguinte imaxe, a versión web do conto O neno a estrela, unha historia homenaxe ao poeta.


Tamén un xogo sobre o poeta. Premendo na imaxe inferior para xogar!!!


Como cada ano, os alumnos do CPI dos Dices fixeron un xenial  telexornal sobre o autor homenaxeado. Poderedes velo premendo AQUÍ

E xa para rematar, AQUÍ poderedes ver un vídeo no que se recitan 7 poemas de Díaz Castro.


mércores, 30 de abril de 2014

DÍA DO LIBRO EN CONMENIÑO

Ola ratiños!

Aquí vos deixo unhas imaxes resumo da nosa celebración do Día do libro. Coma sempre, se queredes descargar e ver todas as fotos, só tedes que premer AQUÍ.

Durante 3 días, o cole encheuse de historias, historias que os nenos de 4º a 6º prepararon para contar aos nenos de Ed. Infantil a 3º de primaria!


Os nosos contacontos particulares investigaron sobre diferentes xeitos de presentar unha historia, e así, tivemos un conto contado con sombras, historias dramatizadas, un conto con monicreques, contos con apoio dixital e ata unha historia musical!





Estivemos moooi atentos para non nos perder nadiña de nada!


A verdade é que estivo xenial, canto traballaron estes contacontos! Noraboa rapaces!


Agora só nos faltan unhas pequeniñas tarefas que facer: escoller un novo final para estas historias e contalo aos compañeiros!