PRIMEIRAS RECEITAS DOS REPORTEIROS LARPEIROS DENDE ESCOCIA E ARXENTINA

      Comezamos aquí a nosa serie de receitas do mundo.

    As reporteiras AINHOA MEIS e NEREA fixeron xuntas esta receita de GALLETAS de ESCOCIA, para empezar con algo sinxelo, pero non por iso menos saboroso.

      Tamén se animaron a probar os PANQUEQUES CON DOCE DE LEITE, típicos de ARXENTINA e moi parecidos ás nosas riquísimas filloas.

      Estaba todo boísimo!

 

GALLETAS ESCOCESAS

para 4 persoas    x    preparación: moi fácil    x    tempo de elaboración: 30 minutos

PRECISAS

1 recipiente

1 bandexa de forno

1 forno

INGREDIENTES

100 g de manteiga

50 g de maicena

100 g de fariña

50 g de azucre

PREPARACIÓN

1. Introduce todos os ingredientes no recipente e mestúraos.

2. Despois vai collendo anacos da masa e dalles forma de galletas.

3. Fornéas a 180º C durante 15 minutos.

4. Déixaas arrefriar un pouco e xa están listas para comer.

 

mesturamos os ingredientes

amasamos ben

dámoslle forma ás galletas

metémolas no forno

e listas para degustar!

PANQUEQUES CON DOCE DE LEITE

para 4 persoas    x    preparación: fácil

x    tempo de elaboración: 40 min + 2 h e 1/2 de cocción do leite    x

PRECISAS

1 tixola antiadherente

1 pota

1 batedor

1 recipiente

1 cullerón

1 espátula pequena ou coitelo para darlle a volta aos panqueques

INGREDIENTES

para o doce de leite

1 bote de leite condensado

para os panqueques

2 ovos

1 l de leite

50 g demanteiga fundida

125 g de fariña

25 g de azucre

sal

PREPARACIÓN

para o doce de leite

1. Pon o doce de leite condensado a cocer durante 2 horas e media dentro dunha pota e cuberto con auga abundante.

2. Trancorrido este tempo, déixao arrefriar e abre o bote. Véras que está máis denso e de cor marrón.

para os panqueques

1. Coloca todos os ingredientes nun recipiente e utiliza o batedor até que non quede ningun gromo.

2. Despois, nunha tixola ben quente bota un culleirón da masa dos panqueques e esténdea para que quede ben fina.

3. Deixa que se faga durante 10 segundos por cada lado e retira a un prato. Repite esta operación até que remates coa masa.

4. Por último, enche os panqueques co doce de leite e xa está listo o prato para presentar.

 batemos os ingredientes dos panqueques

 untámolos con doce de leite ou tamén con confitura, crema de cacao...

e este é o resultado

A vindeira semana estaremos aquí con unha nova e exquisita receita. Animádevos a probala e contádenos que vos pareceu.

E non esquezades facervos a foto e traérnola para o mural.

Bo proveito!

RECEITAS MUNDIAIS DOS NOSOS REPORTEIROS INTERNACIONAIS

Ola Ratiños!

O equipo de Reporteiros Larpeiros continúa coa nosa volta ao mundo deste curso facendo paradas en distintos países. Esta vez teñen a misión de presentarnos algún dos seus saborosos pratos típicos.

 E como larpeiros que son, non podían facelo sen antes asegurarse de que realmente están... deliciosos! Para iso, eles mesmos van elaborar cada prato. Acompañados dalgún amigo resultará aínda máis divertido, e por suposto, non temos que esquecer a axuda dalgún adulto.

Ao longo das vindeiras semanas irannos amosando aquí algunhas receitas propias dos máis diversos países do mundo.

Convidámosvos a que vós tamén as probedes nas vosas casas e nos deixedes un comentario contándonos se vos gustaron.

Ao Ratiño e á Ratiña gustaríanos ter un mural coas vosas fotos cociñando en familia ou degustando estes pratos de distintos países; facédevos unha foto e entregádella aos Reporteiros Larpeiros que se encargarán de montalo.

Estamos desexando velas!

O NOSO MERCADIÑO SOLIDARIO II (DÍA DA PAZ 2015)

Despois de 4 días de intercambio de libros por alimentos, énchenos de ledicia poder dicir que o mercadiño solidario de Conmeniño foi todo un éxito.

Recollemos unha gran cantidade de alimentos, tanto para Cáritas como para o Refuxio de animais de Cambados, mostra da solidaridade do alumnado do noso colexio e das súas familias.

Ademáis disto, hai que agradecer a colaboración dos nenos de 5º e de 6º de primaria que se ocuparon nos recreos de atender o mercadiño.

Na clase de matemáticas, os nenos de 5º fixeron o reconto de todo o recollido. Este é un resumo das cousas que conseguimos reunir:

alimento	cantidade (en kg, l ou unidades)
para Cáritas
aceite	30 l
arroz	60 kg
azucre	14 kg
conservas variadas	44 U
galletas	20 U
garabanzos	36 kg
leite	58 l
lentellas	42 kg
pasta	78 kg
salsa de tomate	20 U
para o Refuxio
area para gatos	25 kg
penso para cans	49 kg
penso para gatos	7 kg

Tamén reunimos, en menor cantidade, os seguintes productos: cacao, chocolate e outros doces, caldo e sopa, fabas, sal, zume, latas e salchichas para cans e gatos, así como productos de limpeza.

Sen dúbida, a xente que dispón de poucos recursos e os animais sen fogar estaranvos moi agradecidos.

Dúas das cadeliñas do Refuxio acompañaron ás responsables do mesmo para recoller os productos donados por nós, e pasaron a saúdar aos nenos de cada clase para darlle as grazas. Aquí vos deixamos algunhas fotos.

 Estiveron encantadas de visitar as clases.

 Na clase de 5º estaban a facer o reconto dos productos.

 Foron moi agarimosas cos rapaces.

 

Grazas á colaboración de todos, reunimos un grande lote de productos para eles!

Tamén dende Cáritas nos enviaron unha carta de agradecemento.

Ademais de todo isto, dende a Voz de Galicia interesáronse pola nosa iniciativa e publicaron un artigo sobre a actividade, se queredes velo, só tedes que premer na imaxe inferior:

A todos os que colaborastes, MOITAS GRAZAS!

ENTROIDO 2015: UN ENTROIDO SABOROSO E VIAXEIRO

 Ola ratiños!
Como van esas vacacións de Entroido? Xa queda pouquiño, pero agardo que o esteades a pasar, polo menos, tan ben como o pasamos no noso Entroido Saboroso e Viaxeiro. Para recordalo, tráiovos aquí algunhas imaxes que agardo que vos gusten. 

Nesta pequena presentación poderedes ver a todos os protagonistas da nosa festa: as fresiñas de Infantil, dende reino Unido, os Harry Potter de 1º; as vaquiñas arxentinas de 2º A, os chineses de 2º B, os engalanados manteis de 3º, os cociñeiros larpeiros de 4º, os deuses aztecas de 5º e os reporteiros larpeiros de 6º de primaria! Así vestidos desfilamos ao ritmo da música escollida, e despois degustamos deliciosos postres de Entroido preparados polas nosas familias, ás que, unha vez máis, agradecemos a súa colaboración tanto para facer os disfraces como na elaboración destes deliciosos postres!

Se queredes ver todas as fotos do noso Entroido, só tedes que premer AQUÍ. Ata o xoves!

SAÍDA ESCOLAR- VISITAMOS OS MUSEOS CORUÑESES

Ola a todos!

Aquí vos traemos algunhas das fotos da nosa excursión a A Coruña e aos seus museos (Acuario, DOMUS e Casa das Ciencias) o pasado mércores 11 de febreiro. Foi un día xenial do que pronto os Reporteiros Larpeiros de 6º nos traerán a súa interesante crónica.

 Se queredes ver máis fotos, só tedes que premer AQUÍ.

5º E 6º FOMOS AO TEATRO E VISITAMOS UNHA PANADERÍA - REPORTEIROS LARPEIROS

Ola a todos,  ratiños!

     Son Anxo Cambados, un dos reporteiros larpeiros. Estou aquí de novo para contarvos que o día 19 de de xaneiro os nenos de cuarto, quinto e sexto fomos de excursión ao teatro a Pontevedra e á panaderia Besada no Grove.

   Ao chegar ao cole montamos no autobús e marchamos cara a Pontevedra. Alí fomos camiñando ata o teatro. Cando todo o mundo se sentou comezou a obra ``Spinderella´´. Trataba sobre unha rapaza que cantaba moi ben. A súa irmá Rebeca tíñaa coma unha escrava. Rebeca quería ir a un karaoke co DJ Dave.

   Cindy, a rapaza, tamén quería ir, así que disfrazouse para que súa irmá Rebeca non a descubrira e foi a gañadora no karaoke. E todo isto, contado en inglés.

   Cando rematou a obra collemos o autobús e marchamos ata O Grove. Ao chegar, fomos camiñando ata a panadaría Besada. Alí ensináronnos como se facía e que ingredientes levaba o pan: fariña, auga, sal e lévedo. Foron moi amables con nós e déronnos un bolo de pan e un cacho de rosca.

   Pasámolo xenial!     
   Aquí vos deixamos algunhas das fotos que fixemos, comentadas por Uxía Bastos e Roi Bravo. 

 Dúas das protagonitas nun momento da obra.

Facendo masa na panadaría "Besada".

Aprendemos sobre a historia do pan.

 Ingredientes cos que se elabora o pan.

Para rematar, convidáronnos a probar os seus productos. Démosnos un bo festín!
E se queredes ver todas as fotos, só tedes que premer AQUÍ.

XA CHEGA O ENTROIDO SABOROSO! - O MECO MANDA...

Ola a todos!

Xa está o Meco mandarica preparado coas súas exixencias, non vos esquezades de as respectar se dun Entroido saboroso queredes gozar!

Aí volas deixamos e boa semana a todos!

PREPARANDO A SAÍDA ESCOLAR AOS MUSEOS CORUÑESES

Xa que a vindeira semana ides ir visitar a Casa do Home, déixovos aquí o tráiler da película en 3D sobre a que lestes hoxe na prensa escolar. Só tedes que premer AQUÍ.

O NOSO DÍA DA PAZ 2015

Aquí vos traemos un pequeno resumo de todo o que aconteceu en Conmeniño polo Día da Paz!

Como xa vos contamos aquí, durante toda a semana tivemos aberto un Mercadiño solidario co que recaudamos comida para donar a Cáritas e ao Refuxio de Animais de Cambados. (contarémosvolo todo en breve!)

Ademais disto, seleccionamos ingredientes para a Paz, que podedes ver na entrada do noso cole:

Aproveitando estes ingredientes, entre todos os nenos do cole, fixemos unha receita para a paz que recitamos o pasado venres:

O noso menú para a Paz quedounos así:

Entremeses:

Croquetas para compartir e empanada con moito amor.

        

Primeiro Plato:

Garabanzos con amizade

Lentellas cheas de ledicia

       

Segundo plato:

Peixe con amor

Polo con xustiza.

Sobremesas:

Magdalenas para namoriscar e xeado de fe.

Bebidas:

Auga de querer e leite de amizade

Ademais de recitar este menún tan saboroso, os nenos de 2ª B déronnos unha receta para facer unha familia que pronto compartiremos con todos vós. E, ademais, todos xuntos cantamos unha cancón coa profe Luisa.

Ademais de todas estas cousiñas, os nenos de 4º estiveron investigando e traballando sobre a inspiradora,  Malala Yousafzai. Premio Nobel da Paz e heroe mundial aos 17 anos pola súa defensa dos dereitos humanos, a educación e os dereitos das mulleres. Como producto final, os alumnos de 4º prepararon este cartel informativo.

Tamén dentro do marco do Día da Paz, o pasado martes, celebramos a comida de convivencia que xa é tradición co alumnado de 6º EP. 

SE queredes ver todas as imaxes de todas as actividades, só tedes que premer AQUÍ.