luns, 22 de febreiro de 2021

24 FEBREIRO - DÍA DE ROSALÍA DE CASTRO

 
"Eu son libre. Nada pode conter a marcha dos meus pensamentos e eles son a lei que rexe o meu destino". 
Rosalía de Castro
 
Este mércores 24 de febreiro celebramos o día de Rosalía de Castro, por iso vos presentamos esta entrada no blogue con distintos materiais para que podades investigar e aprender cousas sobre unha das escritoras e poetisas máis importantes de Galicia.
 
No seguinte vídeo poderedes ver unha breve biografía da autora:

 
 
A continuación,  deixámosvos dous xogos xeniais feitos por profes doutros coles. Para xogar só tedes que picar no enlace que vos interese.
 
O primeiro, ten xogos sobre Rosalía de Castro diferenciados por cursos, dende Infantil ata Primaria.
 
 
E o segundo, é un scape room máis complicado para os máis maiores.

 
 
Apertas de Gusibot!

 

mércores, 10 de febreiro de 2021

Contos de Entroido 🎆

Hoxe compartimos con vós estes dous vídeos feitos con encanto sobre o Entroido que nos envía a familia de Catalina (4º Educación Infantil) e Antonio (2º Educación Primaria). 


O primeiro, é a canción "É tempo de Entroido!", de Isabel Fernández Reviriego, composta para o libro "É tempo de Entroido!", de Ramón D. Veiga e David Sierra. Edicións Xerais de Galicia, 2018. (Siradella Films)

É tempo de Entroido!

E o segundo, é a canción "Non pare a festa", de Os Amigos dos Músicos, composta para o libro "Non pare a festa" (É tempo de Entroido 2)", de Ramón D. Veiga e David Sierra. Edicións Xerais de Galicia, 2021. (Siradella Films). 

Non pare a festa

Moitas grazas por compartilos con nós!

Apertas de Gusibot e feliz Entroido para todos e todas 😊😊😊

luns, 1 de febreiro de 2021

Rematamos xaneiro!

Rematamos xaneiro na BiblioConmeniño presentándovos aos lectores do mes: Xurxo, María, Anaís e Noa. Parabéns! Seguide lendo así!




Tamén rematamos a primeira actividade de dinamización dos recreos da Biblio coa temática do PDI "Conciénciate co Medio", que foi o visionado dunha curta sobre responsabilidade ambiental:


Polo que pasamos á segunda actividade: Durante o mes de febreiro, realizaremos un concurso de debuxos e maquetas feitas con material reciclado que atoparedes nos recreos na biblio. Sede creativos e respetuosos co medio ambiente!!

Finalizamos mostrándovos tamén as novidades de Gusibot: Hai libros novos sobre dinosaurios, o medio ambiente, contos para os máis pequeniños... e moitos máis!!


Apertas de Gusibot!