Novo recuncho de estimulación multisensorial

Por aquí vos deixamos unhas fotos dos nosos novos recunchiños de estimulación multisensorial na nosa biblio, que vós parecen?

 

Aros olímpicos creativos

 Os alumnos e as alumnas de 4 anos crearon os seus propios aros olímpicos co lápis 3D. Que vos parecen?

SADAKO E AS MIL GRÚAS DE PAPEL

 Dende o 22 de xaneiro ata o 30 de xaneiro, coa celebración do Día da Paz e da Non Violencia, os nenos e nenas de 2º traballaron sobre a figura de Sadako Sasaki e a lenda das mil grúas. Comezamos averiguando un pouquiño máis sobre Sadako, quen era esa nena?, que lle ocorrera? Tamén descubrimos a orixe da lenda das mil grúas. Para rematar e coñecer moito máis a fondo a Sadako e a súa historia, fixemos unha lectura compartida, cun capítulo diario, do libro “Sadako e as mil grúas de papel” de Eleanor Coerr. Como actividade de peche creamos un final alternativo para a historia de Sadako e pintamos un debuxo que a representaba.
Podes clicar na imaxe para poder ver o póster completo!

Booktrailers

 Ola queridos lectores e lectoras, 

O día de onte fixemos un obradoiro de Biblioteca Creativa que recibe o nome de "Booktrailer". Os alumnos e alumnas de 5º de Primaria foron os encargados de escoller os libros, de gravar e representar os seus trailers, así como de editalos e maquetalos.

Foi unha actividade moi divertida na que tiveron que tomar moitas decisións e traballar en equipo, xa que todos/as tiñan unha responsabilidade dentro do grupo.

A continuación podedes ver os vídeos e tamén as tomas falsas dun dos equipos: