NADAL MARIÑO DE CONMENIÑO- 3ª PARTE

E xa para rematar co repaso ao noso Nadal mariño, os nenos de 4º e 6º, cos seus traballiños e actuacións.

Os alumnos de 4º trouxeron unha nova relacionada con Papá Noel, atentos! E ademais cantáronnos "Villancico marinero"

E os maiores do cole presentáronnos o aprendido sobre os mexillóns e interpretaron "O meu barco".

E así remata o resumo do noso Nadal mariño. Agardo que vos teña gustado a todos. Que pasedes unhas moi felices festas e vémonos o vindeiro ano!
*** Lembrade que podedes descargar os vídeos!

NADAL MARIÑO DE CONMENIÑO - 2ª PARTE

Ola ratiños!

Hoxe tráiovos as actuacións e presentacións dos nenos de 3º e 5º de Ed. primaria. Quedei impresionado cos vosos traballiños!

Comezamos cos nenos de 3º, que se están a convertir en expertos en golfiños, e nos contan todo o que destes simpáticos animaliños xa saben. Ademais disto, cantáronos a canción "Yellow submarine".

E, para rematar por hoxe, a presentación que os nenos de 5º prepararon sobre as baleas e a súa Illa das baleas. Ademais disto, interpretaron coa flauta "Barcarola". Bo traballo, rapaces!!!

*** Lembrade que podedes descargar os vídeos!

NADAL MARIÑO DE CONMENIÑO -1ª PARTE

Ola ratiños, por aquí vos deixo as actuacións dos nenos de Ed Infantill, 1º e 2º de primaria e os seus traballiños. 

Primeiro de nada, os nenos de infantil nos presentan aos cangrexos ermitaños, os cabaliños e as estrelas de mar; e nos cantan :"Sereiña do mar". Xenial, chicos!





A continuación, os nenos de 1º de primaria nos presentan a historia da súa viaxe ao Ártico e nos cantan "1 peixiño moi divertido".



 
E, para rematar por hoxe, os ratiños de 2º, coa súa actuación "Glu-glu-glu" e a súa presentación sobre as quenllas. Bo traballo, chicos!





 *** Lembrade que podedes descargar os vídeos!

O NADAL MARIÑO DE CONMENIÑO

Chegou o Nadal, e con el, a viaxe do noso ratiño. Como non podía ser doutra maneira, este ano vai viaxar polo fondo mariño, e, un ano máis, pediunos axuda. Escribiunos unha carta que podedes ler premendo AQUÍ, e deixóunola á porta das aulas haberá cousa dun mes.

Nesta carta pedíanos axuda para coñecer máis cousas sobre po fondo mariño; criaturas perigosas, cousas nas que se fixar, animais a investigar... E nós, sempre atentos ás peticións do noso ratiño, puxémonos mans á obra a traballar.

Escollemos un tema, que foi o mesmo escollido por cada aula para o Día das Bibliotecas Escolares, pensamos nunha maneira de contarllo, documentámonos e elaboramos uns traballiños que presentamos estes días nos nosos festivais de Nadal para compartilo co ratiño e con todos os compañeiros do cole.

Ademais disto, cantamos unhas cancións mariñas tamén adicadas ao noso proxecto anual. Nós aprendemos moitas cousas e pasámolo xenial, agardamos que ás familias lles teña gustado.

Pouco a pouco iremos colgando aquí as actuacións e os traballiños presentados, pero hoxe deixámosvos as imaxes do noso Nadal mariño. Premendo no collage accederedes a todas as fotos e podedes descargalas se queredes.

Aproveitamos a ocasión para dar as grazas ás familias pola súa colaboración.

Que pasedes unhas moi felices festas!

POLO NADAL, MERGÚLLATE NOS LIBROS - RECOMENDACIÓNS LECTORAS

Ola, ratiños!

Aquí vos traio unhas pequenas ideas para engadir á lista dos Reis Magos e/ou Papá Noel.

BENEFICIOS DE CONTAR CONTOS AOS NENOS.

Premendo na foto inferior accederedes a un artigo sobre os beneficios de ler aos nenos dende pequenos. Agardamos que sexa do voso interese. 

CADERNOS VIAXEIROS I

Ola ratiños!

Aquí vos deixo algúns dos vosos traballiños nos cadernos viaxeiros. A seguir así! Premede na segunda imaxe para  velos todos!

CONSELLOS PARA SER UN BO LECTOR

Ola ratiños!

Hoxe tráiovos uns conselliños para convertirse en grandes lectores.

Se bos lectores queredes ser, a seguinte presentación debedes ler...

PARA SER UN BUEN LECTOR

Publish at Calameo or read more publications.

EN CONMENIÑO, POLO OUTONO...

Ola ratiños!

Aquí vos traio un pequeno vídeo que compila o traballiño tan fermoso que fixestes con follas de outono e a exposición de diferentes árbores coas súas follas, ...

Estas creacións feitas con folllas de outono indican moita creatividade e imaxinación, NORABOA, ratiños!

COUSIÑAS DE OUTONO

Ola ratiños!

Sí, aínda segimos en outono aínda que vaia tanto frío. E por iso vos traio unha actividade LIm para pasar un bo ratiño lendo e xogando con cousas desta fermosa estación.COma sempre, só tedes que premer na imaxe inferior.

OUTONO, TEMPO DE MAGOSTO

O pasado mércores, 13 de novembro celebramos, como cada ano, o noso magosto, un día cheo de xogos tradicionais e ricas castañas asadas. Aquí vos deixamos un vídeo e algunhas imaxes deste día tan divertido.

 

Primeiro de nada, organizámonos en grupos de idades variadas para participar nos distintos xogos.

E... listos para xogar! Había 9 xogos diferentes polos que fomos rotando.

Mentres, as castañas estaban asando. Que arrecendo!

Rematados os xogos, a comer!!!

Case non quedou nada, pero conseguín unhas pouquiñas e podo dicir que estaban boísimas!

Un biquiño de ratiño namorado do outono!

Ah! que me esquecía! Se queredes ver máis fotos deste día e descargalas, só tedes que premer AQUÍ!

SAMAÍN 2013: O SAMAÍN MARIÑO DE CONMENIÑO

Ola ratiños!!! Pasado o Samaín e despois de tantos días sen vernos, aquí vos traio unha compilación das vosas marabillosas cabazas mariñas. Unha vez máis, quedei pampo con tanta creatividade e imaxinación. NORABOA A VÓS E ÁS VOSAS FAMILIAS, BO TRABALLO!

 

Ademais do concurso de cabazas, tamén tivemos chocolatada e unhas actuacións relacionadas co Halloween.

Se premedes na imaxe inferior poderedes ver e descargar todas as fotos deste día.

E premendo AQUÍ, poderedes ver a obra de teatro que nos presentaron os alumnos de 4º.

DÍA DAS BIBLIOTECAS ESCOLARES NO NOSO COLE

O 24 de outubro celébrase o Día das Bibliotecas Escolares. Co gallo desta celebración, o ratiño encomendounos unha misión, que era que cada aula escollese unha personaxe relacionada co proxecto sobre o que estamos a traballar neste curso ("8 meses de viaxe submariña") e investigase sobre o tema escollido para ambientar a clase, a biblioteca de aula, ... Unha vez feito isto, era hora de compartilo con todos os compañeiros, polo que o venres 25 de outubro, organizados en grupos, fomos polas distintas clases e alí os nenos de cada grupo nos presentaban a personaxe escollida, o que sabían dela, ... Aquí vos deixamos un pequeno vídeo coas imaxes por se as queredes ver...

OUTUBRO, MES DAS BIBLIOTECAS ESCOLARES

Ola ratiños!

Como ben sabedes, o mes de outubro é o mes das Bibliotecas Escolares. O día 24 de outubro é o día escollido para rendir homenaxe a este recuncho tan especial dentro dos colexios.

Un ano máis, a Consellería de Cultura, Educación e Ordenación Universitaria, enviounos o cartel conmemorativo para esta data. O lema elixido para este ano, LER CIENCIA NA BIBLIOTECA ESCOLAR, trata de sensibilizar sobre a importancia da lectura de textos de carácter científico, de textos divulgativos ou de textos literarios que tratan temas relacionados coa ciencia. Todos estes contidos teñen cabida na biblioteca e enriquecen a bagaxe lectora do alumnado. A ilustración é de PATRICIA CASTELAO.

No cole celebraremos esta data o venres 25 de outubro, e estou impaciente por ver con que me sorprendedes. 

Saúdos de ratiño lector de libros científicos!

LIBRO DE RECEITAS MARIÑAS

Co gallo da celebración da Festa do Marisco na nosa vila (O Grove), os nosos alumnos, xunto coas súas familias, trouxéronnos unha morea de receitas con ingredientes do fondo mariño. Dixemos un libriño compilatorio e aquí volas deixamos! Agardamos que vos gusten e... a cociñar!

XA TEMOS PROXECTO PARA O CURSO 2013-2014

Ola ratiños! Despois de tantas pistas e das vosas investigacións, por fin descubristes o tema sobre o que imos tratar durante este curso 2013-2014. Aquí vos deixo algunhas das pistas e as miñas cartiñas.

Ao chegar ao cole, este recibimento:

Á porta da biblioteca, o ratiño de Conmeniño convertido en capitán.

Uns días despois, o cole apareceu cheo de carteis co número 20000...

Recibimos unhas cartas nas clases, nas que o ratiño nos encargaba investigar unhas pistas ata descubrir o tema para este curso. (Premendo na carta inferior poderedes lelas todas)

E despois de investigar e moito pensar... 

Descubrimos que o tema sobre o que imos traballar este curso dende a biblioteca é:

L FESTA DO MARISCO

Como ben sabedes, este ano O Grove  está a celebrar a súa L Festa do Marisco. Coma sempre, ao abeiro desta celebración convócase un concurso de carteis para elexir o cartel para o vindeiro ano. Este foi o cartel para este ano.

Para conmemorar este aniversario, os nenos de 3º, 4º e 6º fixeron os seus propios carteis e cadros para conmemorar este importante aniversario. Aquí vos deixo algúns deles e premendo AQUÍ poderedes velos todos.

A NOSA BIBLIOTECA

AS MOCHILAS COMEZAN A SÚA VIAXE...

Ola ratiños!

Un ano máis, as nosas mochilas viaxeiras comezan a súa andadura. Agardamos que vos gusten os libros que nelas viaxan e pasedes con elas un moi bo rato de lectura en familia.

Ah! E non vos esquezades de contarnos a experiencia, o que lestes, o que máis vos gustou, que aprendestes, ... nos nosos cadernos viaxeiros. Déixovos unha pequena compilación dalgúns dos vosos traballiños no curso pasado. Só tedes que premer na imaxe inferior!

Saúdos de ratiño lector!

E estade moooi atentos que estamos a piques de desvelar o título do tema sobre o que imos traballar este ano!

BENVIDOS AO CURSO 2013-2014!

Ola ratiños! Xa estamos de volta! Deséxovos un moi bo curso 2013-2014! 

Vémonos na biblioteca!

PD: Estade moi atentos se queredes saber por que viaxo en submariño...

A HORA DAS DESPEDIDAS...

Bos días ratiños!

Vós xa estades de vacacións, e eu por aquí ando, poñendo un pouco de orde na biblioteca e preparando cousiñas xa para o vindeiro curso. Despois de todas as celebracións da semana pasada antes de irnos de vacacións, hoxe tráiovos un anaquiño do vivido, o momento das despedidas. Déixovos por aquí os vídeos que prepararon a profe Alejandra (6º EI)  e a profe Ilduara (6º EP) para o acto de  graduación.

Moi atentos ás conclusións dos ratiños de 6º de infantil despois do seu paso pola Ed. Infantil:

E non vos perdades agora algúns dos momentos vividos polos nenos de 6º de Ed. Primaria no cole.

Ata sempre aos nenos de 6º de primaria, agardamos que vos vaia moi ben nesta nova etapa que comeza para vós! E para o resto, ata a volta!

NOVAS COUSIÑAS DA NATUREZA POR PARTE DOS NENOS DE 6º DE EP.

Ola ratiños! Aínda que xa rematou o cole,  hoxe tráiovos máis cousiñas da natureza. Nesta ocasión trátase do traballiño feito polos nenos de 6º de primaria, que nos contan o que eles vían pola súa fiestra neste curso. Non vos perdades o vídeo, co que eu xa aprendín unha morea de cousas!

Saúdos de ratiño fascinado coa natureza!

TROCO- a nosa 1ª curta de animación

Ola ratiños! Aquí vos deixo a curta presentada polo alumnado de 2º ao concurso "Nós tamén creamos". Xa sairon os premiados, e queremos mandar as nosas felicitacións aos gañadores. Parabéns! Toda a información AQUÍ. Non deixedes de ver as curtas presentadas, hai verdadeiras obras de arte!

REVISTA CURSO 2012-2013

Ola ratiños!

Xa preparados para as vacacións? Antes de marchar, quero deixarvos por aquí o último número da nosa revista escolar "Rapaces e rapazas". Imos xa polo número 71, que, como todos os anos, ven cargadiño cunha morea de traballos moi interesantes. Unha boa memoria dalgunhas das cousiñas acontecidas neste curso. 

Como cada ano, todos levaredes para casa un exemplar, pero neste curso, como novidade non a levaredes en papel, senón en soporte dixital. Xa sabedes que estamos na misión de coidar a natureza aforrando papel. Todos teredes así un CD coa revista para lela na casa tantas veces como queirades!

"TROCO" COMO SE FIXO?

Ola ratiños! Hoxe tráiovos novas relacionadas co concurso "Nós tamén creamos", xa sabedes, o concurso no que participaron os nenos de 2º que consistía en crear unha curta de animación a partir dun conto.

Agora que xa están publicadas todas as curtas participantes na páxina da RTVG, xa podemos contarvos moitas cousiñas. 

Polo de agora, un pequeno vídeo que recolle o "Como se fixo?" da nosa curta. Non volo perdades para saber que conto escollemos, como creamos as personaxes... todo todo!

DÍA MUNDIAL DO MEDIO AMBIENTE

Ola ratiños!

Sabedes que día é hoxe? Hoxe é 5 de xuño, o Día Internacional do Medio Ambiente. Aínda que xa sabemos que o medio ambiente debemos coidalo cada día, como hoxe é o seu día, tráiovos unha historia e un pequeno vídeo con unhas ideas para ser máis respetuosos co noso planeta. 

Primeiro de nada, unha curta cun pequeno consello...

E ademáis, un conto moi explicativo.

E ... ISTO QUE É?

Ola ratiños! Hoxe tráiovos o vídeo dunha historia/poema escrito polos alumnos de 6º de primaria. Queredes saber de que vai? Mirade o vídeo para descubrir "E ... isto que é?"



A min encantoume (encántame ser protagonista dos vosos traballiños!), espero que vos guste!
Saudiños de ratiño curioso!

EN 1º, APRENDEMOS A COIDAR O MEDIO AMBIENTE

Os nenos de 1º de primaria teñen hoxe algo que ensinarnos, uns sinxelos xestos para coidar do medio ambiente.

COIDAMOS O MEDIO AMBIENTE 0001 from

XOANIÑAS, XOANIÑAS...

Dentro do noso proxecto de investigación "O ratiño quere saber, quen vive aquí? Ti que ves pola túa fiestra?, os nenos de 1º decidiron investigar as xoaniñas, as súas características, o seu ciclo de vida, ... E para completar e repasar todo o aprendido, empregaron este Lim.

Cantas cousas da natureza estamos a aprender todos este ano!

A NOSA NATUREZA ANIMADA :)

Ola ratiños, hoxe tócalle o turno ao inglés, bueno ao "English" que seica se di... Tráiovos uns vídeos elaborados cos nenos e nenas de 2º a 4º sobre o seu traballo de investigación dentro do proxecto "O ratiño quere saber... quen vive aquí? Ti que ves pola túa fiestra?" Despois de moito observar, parece ser que dende a aula de inglés o que máis se vía  era a choiva, pero outros días (aínda que poucos este ano...) era o sol, polo que, tras moito pensar, comezaron as conversacións sobre os cambios de tempo, por que se producían estes e ... finalmente, as estacións do ano, que foi o tema escollido. O traballo consistiu en buscar elementos típicos en cada estación do ano e animalos. Convertímolos en personaxes, protagonistas das nosas historias sobre as estacións do ano. Así naceron...

"Autumn, autumn, what do you hear?"

"Winter, winter, what do you feel"

"Spring is here, what do you see?"

E estamos traballando en "Summer, summer, what do you smell"

Como podedes ver, asociamos cada estación a un sentido, co que traballamos así moito vocabulario que tivemos que consultar no dicionario, no computador...
Para o Día do libro elaboramos un libro de cada unha das historias, e ademáis estamos a elaborar pequenos vídeos baseados nas nosas historias.

En relación coa historia "Winter, winter, what do you feel", os nenos de 4º elaboraron esta sinxela animación experimentando coa técnica de Stop Motion.

NO DÍA DO LIBRO... CONTACONTOS!

O pasado 23 de abril, con motivo da celebración do Día do Libro, recibimos unha visita moi especial. Viñeron ao noso cole Olalla e Mark Taeger.

Sí! Unha contacontos e un pintor, que viñeron cargados de historias e ilustracións para nós. Pasamos un rato xenial escoitando as historias "O soño de Matías" e "Griselda", dúas historias duns ratiños moi especiais! E tamén co conto "O artista que pintou un cabalo azul".

Olalla traia os contos, e mentras ela os contaba, a Mark Taeger se lle ían ocurrindo cousas que despois plasmaba nun papel. Aquí o podedes ver ilustrando a Matías e a súa namorada, Griselda (unha Griselda moi especial a súa...)Mirade, mirade!

Foi unha mañá moi divertida, chea de contos e arte para celebrar o Día do Libro. E ademais disto, tivemos tanta sorte que nos deixaron os cadrs feitos por Mark como agasallo para a nosa biblioteca.

Premendo no CIGALADRILO poderedes ver e descargar o resto das fotos da actividade.

Saudiños de ratiño lector!

A NOSA FEIRA DO LIBRO

Unha das actividades organizadas co gallo do Día do Libro no noso cole, foi unha Feira do Libro. ë unha feira exposición, xa que non se pode mercar o exposto.

Os axudantes de biblioteca traballaron duro para preparar a exposición:

                     

                     

 Que quedou así:

 

             

A nosa Feira do Libro conta con dúas partes: por unha banda, textos (poemas, banda deseñada, libros varios,...) elaborados polo noso alumnado; e, por outra banda, libros de antes, e dicir, libros que lían os papás e avós do noso alumnado. A Feira continuará exposta ata o 20 de maio, polo que aínda podedes ir visitala e desfrutar coa lectura nun recuncho diferente!

Ademais destaexposición no corredor do cole, os nenos de Ed. Infantil, organizaron a súa propia feira do libro nas aulas, unha exposición cos sus libros favoritos.

          

Ao ratiño gusoulle tanto a feira que montamos que nos preparou uns pequenos agasallos, unhas flores moi pero que moi doces!

Se queredes ver máis imaxes ou descargalas, só tedes que premer AQUÍ.