Ola a todos!
Hoxe traémosvos unhas imaxes coa nosa primeira investigación relacionada co proxecto anual "EmocionArte, unha volta polo mundo das artes e das emocións".
Foi unha investigación diferente, xa que fixemos un traballo de campo. Os nenos de 3º, 4º, 5º e 6º de primaria desprazámonos ata o centro da nosa vila para ir visitar a Galería Besada e aprender máis cousas sobre as esculturas que están no paseo marítimo.
Para isto, previamente no cole, aprendemos por que hai tantas esculturas na nosa vila (máis de 100!) e observamos imaxes dalgunhas delas tratando de averiguar o seu título e significado. A nosa misión hoxe era averiguar o título e oa autor dalgunhas delas, inventarlles un título a aquelas que non o tiñan e tamén recoller que emocións nos trasmitían en directo.
Empregamos un caderniño de recollida de información que se pode descargar premendo na imaxe inferior:
E aquí vos deixamos algunhas imaxes do día de hoxe. Coma sempre, se queredes ver máis fotos, podedes descargalas AQUÍ.
Ademais disto, tamén visitamos a Galería Besada, onde, Carlos Besada, moi amablemente, se ofreceu a falarnos de distintos tipos de pintura, diferentes técnicas, presentounos obras de arte de varios autores. Puidemos primeiro ver por nós mesmos as obras que ten expostas neste momento e despois, moi atentos, explicounos unha morea de cousas.
Foi un día xenial, no que ademais de aprender moitas cousas pasamos un rato moi divertido, incluíndo o paseo dendeo colexio ata o centro. Chegamos cansos pero encantados!
De novo, moitas grazas a Carlos Besada, da galería Besada, por convidarnos á súa Galería e compartir con nós a súa arte e a doutros artistas.
