A HORA DAS DESPEDIDAS...

Bos días ratiños!

Vós xa estades de vacacións, e eu por aquí ando, poñendo un pouco de orde na biblioteca e preparando cousiñas xa para o vindeiro curso. Despois de todas as celebracións da semana pasada antes de irnos de vacacións, hoxe tráiovos un anaquiño do vivido, o momento das despedidas. Déixovos por aquí os vídeos que prepararon a profe Alejandra (6º EI)  e a profe Ilduara (6º EP) para o acto de  graduación.

Moi atentos ás conclusións dos ratiños de 6º de infantil despois do seu paso pola Ed. Infantil:

E non vos perdades agora algúns dos momentos vividos polos nenos de 6º de Ed. Primaria no cole.

Ata sempre aos nenos de 6º de primaria, agardamos que vos vaia moi ben nesta nova etapa que comeza para vós! E para o resto, ata a volta!

NOVAS COUSIÑAS DA NATUREZA POR PARTE DOS NENOS DE 6º DE EP.

Ola ratiños! Aínda que xa rematou o cole,  hoxe tráiovos máis cousiñas da natureza. Nesta ocasión trátase do traballiño feito polos nenos de 6º de primaria, que nos contan o que eles vían pola súa fiestra neste curso. Non vos perdades o vídeo, co que eu xa aprendín unha morea de cousas!

Saúdos de ratiño fascinado coa natureza!

TROCO- a nosa 1ª curta de animación

Ola ratiños! Aquí vos deixo a curta presentada polo alumnado de 2º ao concurso "Nós tamén creamos". Xa sairon os premiados, e queremos mandar as nosas felicitacións aos gañadores. Parabéns! Toda a información AQUÍ. Non deixedes de ver as curtas presentadas, hai verdadeiras obras de arte!

REVISTA CURSO 2012-2013

Ola ratiños!

Xa preparados para as vacacións? Antes de marchar, quero deixarvos por aquí o último número da nosa revista escolar "Rapaces e rapazas". Imos xa polo número 71, que, como todos os anos, ven cargadiño cunha morea de traballos moi interesantes. Unha boa memoria dalgunhas das cousiñas acontecidas neste curso. 

Como cada ano, todos levaredes para casa un exemplar, pero neste curso, como novidade non a levaredes en papel, senón en soporte dixital. Xa sabedes que estamos na misión de coidar a natureza aforrando papel. Todos teredes así un CD coa revista para lela na casa tantas veces como queirades!

"TROCO" COMO SE FIXO?

Ola ratiños! Hoxe tráiovos novas relacionadas co concurso "Nós tamén creamos", xa sabedes, o concurso no que participaron os nenos de 2º que consistía en crear unha curta de animación a partir dun conto.

Agora que xa están publicadas todas as curtas participantes na páxina da RTVG, xa podemos contarvos moitas cousiñas. 

Polo de agora, un pequeno vídeo que recolle o "Como se fixo?" da nosa curta. Non volo perdades para saber que conto escollemos, como creamos as personaxes... todo todo!

DÍA MUNDIAL DO MEDIO AMBIENTE

Ola ratiños!

Sabedes que día é hoxe? Hoxe é 5 de xuño, o Día Internacional do Medio Ambiente. Aínda que xa sabemos que o medio ambiente debemos coidalo cada día, como hoxe é o seu día, tráiovos unha historia e un pequeno vídeo con unhas ideas para ser máis respetuosos co noso planeta. 

Primeiro de nada, unha curta cun pequeno consello...

E ademáis, un conto moi explicativo.

E ... ISTO QUE É?

Ola ratiños! Hoxe tráiovos o vídeo dunha historia/poema escrito polos alumnos de 6º de primaria. Queredes saber de que vai? Mirade o vídeo para descubrir "E ... isto que é?"



A min encantoume (encántame ser protagonista dos vosos traballiños!), espero que vos guste!
Saudiños de ratiño curioso!

EN 1º, APRENDEMOS A COIDAR O MEDIO AMBIENTE

Os nenos de 1º de primaria teñen hoxe algo que ensinarnos, uns sinxelos xestos para coidar do medio ambiente.

COIDAMOS O MEDIO AMBIENTE 0001 from

XOANIÑAS, XOANIÑAS...

Dentro do noso proxecto de investigación "O ratiño quere saber, quen vive aquí? Ti que ves pola túa fiestra?, os nenos de 1º decidiron investigar as xoaniñas, as súas características, o seu ciclo de vida, ... E para completar e repasar todo o aprendido, empregaron este Lim.

Cantas cousas da natureza estamos a aprender todos este ano!

A NOSA NATUREZA ANIMADA :)

Ola ratiños, hoxe tócalle o turno ao inglés, bueno ao "English" que seica se di... Tráiovos uns vídeos elaborados cos nenos e nenas de 2º a 4º sobre o seu traballo de investigación dentro do proxecto "O ratiño quere saber... quen vive aquí? Ti que ves pola túa fiestra?" Despois de moito observar, parece ser que dende a aula de inglés o que máis se vía  era a choiva, pero outros días (aínda que poucos este ano...) era o sol, polo que, tras moito pensar, comezaron as conversacións sobre os cambios de tempo, por que se producían estes e ... finalmente, as estacións do ano, que foi o tema escollido. O traballo consistiu en buscar elementos típicos en cada estación do ano e animalos. Convertímolos en personaxes, protagonistas das nosas historias sobre as estacións do ano. Así naceron...

"Autumn, autumn, what do you hear?"

"Winter, winter, what do you feel"

"Spring is here, what do you see?"

E estamos traballando en "Summer, summer, what do you smell"

Como podedes ver, asociamos cada estación a un sentido, co que traballamos así moito vocabulario que tivemos que consultar no dicionario, no computador...
Para o Día do libro elaboramos un libro de cada unha das historias, e ademáis estamos a elaborar pequenos vídeos baseados nas nosas historias.

En relación coa historia "Winter, winter, what do you feel", os nenos de 4º elaboraron esta sinxela animación experimentando coa técnica de Stop Motion.

NO DÍA DO LIBRO... CONTACONTOS!

O pasado 23 de abril, con motivo da celebración do Día do Libro, recibimos unha visita moi especial. Viñeron ao noso cole Olalla e Mark Taeger.

Sí! Unha contacontos e un pintor, que viñeron cargados de historias e ilustracións para nós. Pasamos un rato xenial escoitando as historias "O soño de Matías" e "Griselda", dúas historias duns ratiños moi especiais! E tamén co conto "O artista que pintou un cabalo azul".

Olalla traia os contos, e mentras ela os contaba, a Mark Taeger se lle ían ocurrindo cousas que despois plasmaba nun papel. Aquí o podedes ver ilustrando a Matías e a súa namorada, Griselda (unha Griselda moi especial a súa...)Mirade, mirade!

Foi unha mañá moi divertida, chea de contos e arte para celebrar o Día do Libro. E ademais disto, tivemos tanta sorte que nos deixaron os cadrs feitos por Mark como agasallo para a nosa biblioteca.

Premendo no CIGALADRILO poderedes ver e descargar o resto das fotos da actividade.

Saudiños de ratiño lector!

A NOSA FEIRA DO LIBRO

Unha das actividades organizadas co gallo do Día do Libro no noso cole, foi unha Feira do Libro. ë unha feira exposición, xa que non se pode mercar o exposto.

Os axudantes de biblioteca traballaron duro para preparar a exposición:

                     

                     

 Que quedou así:

 

             

A nosa Feira do Libro conta con dúas partes: por unha banda, textos (poemas, banda deseñada, libros varios,...) elaborados polo noso alumnado; e, por outra banda, libros de antes, e dicir, libros que lían os papás e avós do noso alumnado. A Feira continuará exposta ata o 20 de maio, polo que aínda podedes ir visitala e desfrutar coa lectura nun recuncho diferente!

Ademais destaexposición no corredor do cole, os nenos de Ed. Infantil, organizaron a súa propia feira do libro nas aulas, unha exposición cos sus libros favoritos.

          

Ao ratiño gusoulle tanto a feira que montamos que nos preparou uns pequenos agasallos, unhas flores moi pero que moi doces!

Se queredes ver máis imaxes ou descargalas, só tedes que premer AQUÍ.

SENSIBILIZÁNDOSE CO MEDIO AMBIENTE EN ED. INFANTIL

Ola ratiños!

Hoxe tráiovos uns estupendos traballiños que estiveron a realizar os nenos de Ed. Infantil. Como este ano estamos a traballar sobre a natureza, parece que os máis pequenos do cole se teñan sensibilizado co coidado do medio ambiente e nos propoñen o seguinte:

En 4º de Ed. Infantil convertéronse en... XARDINEIROS!

En 5º de Ed. Infantil traballaron con obxectos de refugallo, mirade, mirade!

E xa para rematar... en 6º de Ed. Infantil aprenderon como vai a reciclaxe, atendede, atendede!

A NOSA SEMANA DO LIBRO: UN ADIANTO

Ola ratiños! Despois dunha semana tan ocupada, por aquí vos deixo unhas imaxes resumo de todo o que pasou no noso cole na semana do libro. Estade atentos que haberá máis!

Preparamos o cole para a celebración...

Montamos a nosa propia Feira do Libro cuns libros moi especiais...

Aprendemos moitas cousas sobre a nosa biblioteca!

 Tivemos unha visita moi, pero que moi xenial!

E rematamos a semana cun doce agasallo moi primaveral!

FELIZ DÍA DO LIBRO!

Ola ratiños! Non pensedes que me esquecín de vós e menos nun día tan especial coma hoxe no que celebramos a miña cousa favorita: os LIBROS! Como xa sabedes, hoxe, 23 de abril, celébrase en todo o mundo, o Día do Libro. A UNESCO escolleu esta data porque casualmente neste día morreron dous dos escritores máis recoñecidos no mundo enteiro, Miguel de Cervantes e William Shakespeare. Pero, non só iso, neste día tamén naceron ou morreron escritores como Vladimir Nabokov, Josep Pla or Maurice Druon. Por todo isto, o 23 de abril foi a data escollida como día para conmemorar a lectura, os escritores, os ilustradores, as historias... 

Hoxe na biblioteca tivemos unha visita moi especial (que pensabades que non me enterara...), pero diso falaremos outro día! Agora só pasaba por aquí para deixarvos uns modelos de marcapáxinas que preparei para vós como agasallo. Se queredes un marcapáxinas coma o da imaxe só tedes que imprimir o documento que aparecerá premendo nela!.

Biquiños de ratiño de celebración!

PD: Estade atentos ao resto das actividades nesta semana dos libros!

FORMACIÓN DE USUARIOS DA NOSA BIBLIOTECA

Ola ratiños! Aquí tendes actividade coa que o ratiño de Conmeniño nos quere recordar algunhas das normas  da nosa biblioteca. Coma sempre, só tedes que premer na imaxe!

NÓS TAMÉN CREAMOS :)

Ola a todos! Novas no cole!!!

Os alumnos de 2º foron seleccionados para participar no concurso "Nós tamén creamos", iniciativa promovida pola Secretaría Xeral de Política Lingüística e a Dirección Xeral de Educación, Formación Profesional e Innovación Educativa en colaboración coa Compañía de Radio-Televisión de Galicia e con OQOeditora. O concurso consiste en realizar unha animación sobre un dos contos propostos. As curtas propostas serán publicadas na páxina web da Televisión de Galicia.

 Imos ser ratiños cineastas ademais de lectores, que emoción!

Se premedes na imaxe inferior poderedes ver as curtas de animación que presentaron o curso pasado os nenos doutros coles, anímadeos a velas, hai verdadeiras obras de arte!

Estou desexando ver a estes ratiños agora guionistas, directores, dobladores, ... cantas cousas imos aprender!

COMO SE PLANTA UN CASTIÑEIRO?

O alumnado de 5º de primaria, despois da súa experiencia plantando castiñeiros micorrizados, elaborou este vídeo explicando a súa aventura e os pasos a seguir. Atentos! 

PLANTACIÓN DUN CASTIÑEIRO from

 Bo traballo, rapaces!

O RATIÑO NOS PROPUXO UNHA NOVA MISIÓN...

Ola ratiños! Aquí vos deixo algunhas imaxes da posta en marcha do noso novo proxecto de investigación "O ratiño quere saber quen vive aquí? Ti que ves pola túa fiestra?"

Prepareivos unhas fiestras especiais para cada grupo, polas que podedes ollar a natureza da vosa contorna.

Tamén vos escribín unha carta explicándovos a vosa misión, que poderedes  volver ler AQUÍ.

E, finalmente, agochei as fiestras polo patio, entre a natureza. Polo que vin dende a biblioteca, fostes moi rápidos  atopándoas!

 Agora espero a vosa información sobre quen vive aquí. Estou seguro de que, unha vez máis vou quedar  abraiado!

OS NENOS DE CONMENIÑO E A PLANTACIÓN DE CASTIÑEIROS II

Ola de novo, ratiños! Hoxe tamén sodes nova no xornal, aquí vos deixo os enlaces!

Máis premendo AQUÍ  e AQUÍ.