8M- A muller da miña vida

 Estimadas familias:

Desde a escola queremos convidarlles a participar nunha actividade moi especial chamada "A Muller da miña vida". Con ela buscamos recoñecer e valorar ás mulleres que forman parte da nosa vida, promovendo o respecto, a igualdade e a convivencia.

Para iso, cada neno e nena poderá enviar unha foto cunha muller importante na súa vida (mamá, avoa, irmá, tía, mestra, amiga…) xunto cunha pequena mensaxe que explique por que é especial para el ou ela.

As imaxes enviaranse ao correo indicado (biblioconmeninho@gmail.com) e serán parte dunha exposición no colexio, en relación co noso proxecto- Ollarte, onde celebraremos xuntos o papel fundamental das mulleres na nosa sociedade.

A través desta actividade, queremos fomentar no noso alumnado valores como o respecto, o agarimo e a gratitude , recoñecendo a importancia de quen nos coida, ensínannos e inspírannos cada día.

Grazas polo seu apoio e por ser parte desta fermosa iniciativa!

Este foi o resultado:

 

Todas e todos contamos

 O pasado 8 de marzo tivemos con nós a "Todas e todos contamos", unha proposta inclusiva de Afundación. O obradoiro para os máis pequenos foi un conto teatrealizado sobre os distintos tipos de familias que podemos atopar. Despois, cada un deles debuxou a súa familia, creando entre todos un móbil colgante, que pasaremos a colgar na nosa biblio.

Foto dos móbiles colgantes cos distintos tipos de familias, que crearon os máis pequeniñ@s.

Para as nenas e os nenos de 2º, 3º e 4º a proposta foi un circuito circense, onde tiñan que realizar distintas actividades de equilibrio, puntería e acrosport.

E por último, para o alumnado de 5º e 6º, se lles explicará os principios da globoflexia para fomentar a creatividade e a imaxinación, traballando coa respiración e a concienciación da mesma, promovendo o traballo en equipo.

As nosas avoas

 Este ano, polo 8M, foi a quenda das avoas, unha parte esencial das nosas vidas. Elas,  puideron vir ao centro a contarnos historias, contos, lendas, refráns ou historias da súa infancia... e así foi como algunhas delas animáronse a participar compartindo un anaquiño do seu tempo con nós. 

Gracias por facelo posible familias, e non deixar de colaborar 💪 

A continuación, déixovos un pequeno resumo coas grandes protagonistas.

Comezando polos máis pequenos, tivemos a visita da avoa de Manuel de Pedre, de 3 anos, que nos trouxo diferentes sementes para plantar e nos explicou tantas cousas sobre o horto.

E así foi como a partir de aquí creamos os nosos propios semilleiros. Gústanvos?

Logo, pasamos á aula de primeiro de primaria, onde a avoa de Eva contounos un conto precioso sobre os avós. 

E a avoa de Valeria, que nos veu a falar da súa infancia e dos recordos tan bonitos que aínda ten sobre a súa mestra.

No terceiro curso acompañounos a avoa de Lucas Charlín. Falounos da súa infancia, contounos historias e agasallounos cun obxecto de Amigurumi ganchillado, creado por ela. A verdade é que quedamos abraiados/as!

En cuarto curso, a avoa de Borja e Vera tamén tivo moitas cousas que contarnos, pero entre elas unha moi deliciosa... veu a facer con nós unhas brochetas de froita!

E por último, no sexto curso, as avoas de Lara e de Inés tamén tiveron moito que aportar falando un pouquiño da súa historia e da súa infancia.

Dende o cole, queremos agradecer a todas as avoas a vosa participación e colaboración nestas actividades de tanto proveito para o futuro das novas xeracións, que sepan valorar e aproveitar as oportunidades que a vida lles ofrece. Gracias familias 💜

Exposición temática polo 8M!!

 

8M a través de contos

O alumnado de 2º curso traballou o día da Muller a través de minicontos de Frida Kahlo e Marie Curie, personaxes que os/as alumnos/as xa coñecían un pouco 💪, polo que aprenderon algo máis sobre a vida destas mulleres: onde vivían, que estudaron, a razón da súa importancia... facendo esta actividade tan divertida!!

8M- Tania Álvarez Yates

 Ola de novo lectoras/es:

Esta semana, ademais de contar coa visita de diferentes mamás, tivemos a sorte de ter no cole a Tania Álvarez, piragüista e campioa mundial de maratón. Coa súa personalidade, cercana e humilde, gañouse a confianza dos máis pequenos/as, os cales lle fixeron moitas preguntas, probaron as súas medallas e ata lle pediron que lles firmaran autógrafos.

Aquí vos deixo a súa presentación, para que poidades coñecer un pouquiño máis dela e máis un pequeno vídeo da experiencia que vivimos no cole coa súa visita, reivindicando a importancia das mulleres da nosa vila no deporte e máis o valor da práctica de actividade física e a saúde.

8M- as mamás dos nenos e nenas do cole falan do seu traballo

 Esta semana foi unha semana especial, chea de novas experiencias e para algún e algunha chea de orgullo por ter no cole a súa mamá.

Tivemos a sorte de contar con varias mamás que nos viñeron a contar a que se dedican e como é o seu día a día no traballo. Contáronnos tamén que non hai traballos de homes nin de mulleres e que debemos loitar pola liberdade das mulleres, apostando sempre por reforzar as súas capacidades e protagonismo, para que poidan alcanzar e participar, en términos de igualdade, no acceso aos recursos, recoñecemento e toma de decisións, en todos os ámbitos da vida.

Agora, vou a ensinarvos un anaquiño do que elas compartiron con nós. Comezando por Educación Infantil:

- Tamara (mamá de Xulia) traballa no mercado e todos e todas quixeron tocar aquilo que nos trouxo.

- Silvia (mamá de Gabriel) é cociñeira e seguro que todos e todas falaron da súa comida favorita.

- Laura (mamá de Valentina) é perruqueira e tamén tiña moitas cousas que contarnos.

Continuando con Educación Primaria, a mamá de Jaime (no primeiro vídeo) e a mamá de Greta e Norah (segundo vídeo) son bateeiras e aquí nos ensinan o seu día a día no mar.

Espero que vos gustara porque desde logo para nós, foi un verdadeiro orgullo que nos acompañarades neste día tan importante para todas.

Grazas!