ACTUALIDADE DA NOSA BIBLIOTECA

Bo día nen@s e familias!
En primeiro lugar mandarvos unha forte aperta a tod@s agardando que esta situación mellore o máis pronto posible.
Por outra banda, informarvos aos nen@s que tedes libros emprestados que non vos preocupedes polos prazos de devolución, será algo que faremos cando regresemos ao colexio. Non é ningún problema nestes momentos.
Neste período sen clases presenciais no colexio, unha das cousas máis importantes e nas que están incidindo todo o profesorado do noso cole é na necesidade da lectura diaria, polo que dende aquí tamén vos pedimos que o fagades. Sen dúbida as familias xogades aquí un papel fundamental, polo que vos damos as grazas pola vosa colaboración.

Moito ánimo, felices lecturas e apertas de GusiBot!

8 M - DÍA INTERNACIONAL DA MULLER

Ola a todas e todos!! Como sabedes, onte foi día 8 de marzo, foi o Día Internacional da Muller. Por iso dende o noso cole, estamos traballando hoxe diferentes actividades dentro de cada aula coa finalidade de conmemorar esta data así como a importancia da mesma en relación á figura das mulleres.
Dende a biblio deixámosvos unha selección de materiais que podedes consultar ou levar, así coma diferentes recomendacións:

• Pioneiras de Anaír Rodríguez da Editorial Xerais.
• Pioneiras 2 de Anaír Rodríguez da Editorial Xerais.
• Todos deberíamos ser feministas de Chimamanda Ngonzi Adiche da Editorial Literatura Random House.
• Querida Ijeawele, cómo educar en el feminismo de Chimamanda Ngonzi Adiche da Editorial Literatura Random House.
• La flor púrpura de Chimamanda Ngonzi Adiche da Editorial Literatura Random House.
• Algo alrededor de tu cuello de Chimamanda Ngonzi Adiche da Editorial Literatura Random House.
• Cuentos de buenas noches para niñas rebeldes de Elena Favilli e Francesca Cavallo da Editorial Planeta.
• Cuentos de buenas noches para niñas rebeldes 2 de Elena Favilli e Francesca Cavallo da Editorial Planeta.
• Rosalía de Castro. Mulleres bravas da nosa historia de María Lado da Editorial Urco Editora.
• María Victoria Moreno. Mulleres bravas da nosa historia de Eli Ríos da Editorial Urco Editora.
• Pepa a Loba. Mulleres bravas da nosa historia de Ledicia Costas da Editorial Urco Editora.
• Maruja Mallo. Mulleres bravas da nosa historia de Elvira Ribeiro da Editorial Urco Editora.
• Xulia Minguillón. Mulleres bravas da nosa historia de María Reimóndez da Editorial Urco Editora.
• Os Bolechas pola igualdade de Pepe Carreiro da Editorial Bolanda.
• Las princesas también se tiran pedos de Ilan Brenman da Editorial Algar.
• La trenza o el viaje de Lalita de Laetita Colombani da Editorial Salamandra.
• Las chicas son guerreras: 26 rebeldes que transformaron el mundo de Irene Cívico e Sergio Parra da Editorial Montena.
• Las chicas son de ciencias: 25 científicas que cambiaron el mundo de Irene Cívico e Sergio Parra da Editorial Montena.
• Me llamo... Marie Curie de Lluis Cugota da Editorial Parramon.
• Marie Curie: la actividad del radio de Jordi Bayarri da Editorial Grapa!.
• Hipatia, la verdad en las matemáticas de Jordi Bayarri da Editorial Grapa!.
• 100 mujeres que cambiaron el mundo de Sandra Elmert da Editorial Molino.
• Mujeres de ciencia: 50 intrépidas pioneras que cambiaron el mundo de Rachel Ignotofsky da Editorial Nórdica.
• 100 mujeres de Rachel Ignotofsky da Editorial Nórdica.
• Las historias más bellas de mujeres valientes de Valentina Camerini da Editorial Gribaudo.

Algunhas películas recomendadas:

• Figuras ocultas de Theodore Melfi.
• Quiero ser como Beckham de Gurinder Chadha.

Saudiños e recordade, TODOS OS DÍAS SON 8 M!!

Sorteo do mes de febreiro na nosa biblio

O último sorteo da biblio, correspondente ao mes de febreiro, deixounos as seguintes persoas premiadas:

• Zaira de 6º de EP.
• Antía de 6º de EP.
• Laura de 6º de EP.
• Aner de 5º de EP.
• Athenea de 4º de EP.
• Aroa de 4º de EP.
• Xulia de 4º de EP.
• Antonio de 3º de EP.
• Sara Tirado de 2º de EP.
  

No mes de xaneiro os gañadores foron:

• Jose Miguel de 5º de EP.
• Verusca de 5º de EP.
• Gisela de 5º de EP.
• Naia de 4º de EP.
• Évora de 4º de EP.
• Lucía de 2º de EP.

Animádevos a coas lecturas que vos propoñemos dende a biblio para participar nos sorteos e moita sorte!! Saúdos de GusiBot!! 

Día de ROSALÍA DE CASTRO

O pasado 27 de febreiro conmemoramos no noso cole o día de Rosalía de Castro, cunha actividade que partiu dende o Equipo de Dinamización de Lingua Galega e que tamén engloba ao Equipo de Biblioteca do cole.
A actividade consistiu en que cada curso elaborou un pequeno mural relacionado cun poema de Rosalía de Castro. Logo diso, o día 27, presentáronse as creacións de cada aula na biblio así como o recitado do poema por parte de cada un dos niveis.
Aquí vos deixo algunhas fotos.

Saudiños de GusiBot!!

Actividades do mes do amor e da amizade

Bo día a tod@s!!

Aquí vos deixamos algunhas fotiñas dos acrósticos que creamos e que están expostos no corredor da biblioteca do noso cole. Noraboa!! Fixéstedes auténticas obras de arte coa vosa imaxinación e creatividade e como non, moitas grazas a tod@s pola vosa colaboración!!!

                                                              Apertas de GusiBot!!

 

Mes do amor e da amizade

Con motivo do mes do amor e da amizade, no noso cole propuxemos unha actividade que é a creación dun acróstico a partir de diferentes palabras relacionadas co noso PDI (como por exemplo poden ser animais, mar, natureza, reciclaxe, ...).
As pautas para realizar esta actividade son as seguintes:

1. COLLE UNHA FOLLA COA PALABRA QUE TI PREFIRAS E SOBRE A QUE CREARÁS O TEU ACRÓSTICO.
2. CADA UNHA DESAS LETRAS SERÁ A INICIAL DA PALABRA POLA QUE TEN QUE COMEZAR ESE VERSO. TRÁTASE POIS, DE FACER UNHA POESÍA.
3. A TEMÁTICA SERÁ A AMIZADE OU O AMOR (POLAS PERSOAS, FAMILIA, NATUREZA, ANIMAIS, MAR, ...).
4. PODES FACELO CON RIMA OU INCLUSO SEN RIMA.
5. COMO VES, AS PALABRAS ESTÁN ESCRITAS EN GALEGO, POLO QUE PARA AS TÚAS CREACIÓNS EMPREGA A LINGUA GALEGA.
6. CANDO O TEÑAS FEITO, ENTRÉGAO NA BIBLIOTECA Á PERSOA QUE ESTEA DE GARDA.
7. AS VOSAS CREACIÓNS EXPORANSE NO CORREDOR DA BIBLIOTECA.

Lembrade que tedes ata o mércores 12 de febreiro para entregalas.

Moito ánimo!! Seguro que sairán cousas fantásticas!

Apertas de GusiBot!

       

Día Escolar da Non Violencia e da Paz

Bo día nen@s!

Con motivo desta data tan importante, no noso colexio fixemos diferentes actos.

Un deles foi a lectura de diferentes frases relacionadas coa paz por parte de todas as clases, ben creadas polos propios nenos e nenas ou de persoas relevantes como puideron ser (Mandela, Ghandi, ...). Cada unha das clases tamén plantou unha semente durante este acto.

Aquí vos queda algunha fotiño desa actividade.

Outra das actividades consistiu na proxección da película "Invictus" na nosa biblioteca. Tras a posta en liberdade de Nelson Mandela no ano 1990, este chega á presidencia do seu país e decreta a abolición do "apartheid". Con motivo da celebración da Copa do Mundo de Rugby no ano 1995 en Sudáfrica, Mandela emprega o deporte como ferramenta na busca dunha reconciliación entre a poboación de cor negra e branca. Co obxectivo de eliminar as diferenzas e prexuízos existentes.

Por último outra das actividades, foi o mural nunha das paredes do patio cuberto do cole. Zaira de 6º foi a nena que creou o debuxo orixinal e que entre todos os nen@s do cole trasladamos ao noso patio. Gustouvos o resultado? A min encantoume!!!!

Que pasedes un moi bo día! Saúdos de GusiBot!

Recomendacións lectoras

Bo día de novo!

Dende a biblioteca do cole queremos deixarvos algunhas recomendacións lectoras relacionados co DÍA ESCOLAR DA NON VIOLENCIA E DA PAZ que se conmemora o día 30 de xaneiro.

Estas son algunhas delas:

• "¿Por qué?" - Nikoli Popov (a partir de 4 anos)

Este libro amósanos o absurdo das guerras. En moitas ocasións os conflitos comezan por algo pequeno e acaban sendo terribles e devastadores.

• "El cielo de Afganistán" - Ana A. de Edulate e Sonja Wimmer (a partir de 3 anos)

Unha nena afgana soña con que na súa terra reine a paz para sempre. Canto á paz, á tolerancia e á solidariedade.

• "El muro en mitad del libro" - Jon Agee (a partir de 4 anos)

O protagonista do libro está convencido de que o muro que hai na metade do libro o protexe dos perigos que hai na outra metade do libro, pero non se decata que no seu lado hai perigos reais. Sentido crítico, prexuízos e ampliación de horizontes son algunhas das temáticas que abarca.

• "Wangari y los árboles de la paz" - Jeanette Winter (a partir de 6 anos)

Na tradición africana unha árbore é un símbolo de paz. O libro cóntanos como Wangari se enfrontaba á deforestación que asolaba o seu país de forma pacífica a través da plantación de árbores.

• "Los niños no quieren la guerra" -  Éric Battut (a partir de 6 anos)

Unha lectura para explicar o absurdo das guerras. Se os nen@s non queren a guerra, para que loitamos e pelexamos?.

• " Me llamo... Nelson Mandela" - Isabel Muntané e África Fanlo (a partir de 9 anos)

Libro que versa sobre a vida de Nelson Mandela, unha figura ligada á liberdade e á igualdade de dereitos dende o pacifismo. Un exemplo a seguir.

Os Bolechas pola igualdade

Ola nen@s!
Dende a Secretaría Xeral da Igualdade recibimos un novo material didáctico relacionado coa igualdade, "OS BOLECHAS POLA IGUALDADE".
O material que xa tedes á vosa disposición na biblioteca do cole son os libros dos nosos coñecidos e queridos Bolechas (traballando neste caso pola igualdade entre mulleres e homes).
Dende o noso cole queremos agradecerlle á Secretaría Xeral de Igualdade que nos achegase este material.
Agardamos que nos visitedes e gocedes con estas novas lecturas!

Apertas de GusiBot!

NOVIDADES IGUALDADE

Ola a tod@s!!
Xa tedes á vosa disposición as últimas novidades da biblioteca. As novas adquisicións relaciónanse coa igualdade e algúns dos libros tamén son recomendacións vosas, polo que pasade pola biblio e collede a vosa lectura favorita. Hainas moi interesantes!!

Apertas de GusiBot!

Incendios en Australia

Ola a tod@s!! Como sabedes, Australia está vivindo unha auténtica catástrofe medioambiental cos incendios que están arrasando gran parte do seu territorio, alimentados por temparaturas récord e meses de severa sequía. Con graves consecuencias como a morte de persoas ou a queima e morte de moitísima flora e fauna, casas calcinadas, entre outras.
Sabedes que polo de agora xa arderon máis de 8 millóns de hectareas!! Para que vos fagades unha idea, sería unha superficie maior ca toda Bélxica.

Por iso, queremos deixarvos aquí o link dun interesante documental relacionado co cambio climático, "Antes de que sea tarde" así como varios enlaces relacionados coa noticia que vos contamos.

Documental National Geographic - Antes de que sea tarde

Os incendios en Australia matan a centos de koalas

As ilustracións que dan a volta ao mundo polos incendios de Australia

Dende aquí, desaxamos que a situación finalice canto antes!! Apertas de GusiBot!

Actividades de Nadal

Ola nenos e nenas!!! Xa estamos de volta!!! Que tal foron esas vacacións? Voltades coas pilas cargadas para este novo ano?😊
A continuación deixámosvos algunhas fotos das distintas actividades que se fixeron no cole durante a conmemoración do Nadal.

Decoración da mascota e dos corredores do cole
Os días previos ao acto do festival de Nadal os nenos e nenas do cole, elaboraron diferentes creacións para a decoración dos corredores así como das aulas. O alumnado de 6º de EP cedeu as súas maquetas para a decoración da mascota e o PDI.

Postais de Nadal para o noso amig@ invisible do cole
Cada nen@ do cole pintou a postal de GusiBot e dentro escribiu un desexo para o coidado do medio e do planeta para este 2020. Despois, repartíronse aleatoriamente entre o alumnado dos distintos cursos, facendo unha especie de "amigo invisible".

Calendarios de Nadal
Outra das actividades que fixemos foi a elaboración dos nosos propios calendarios. Para iso, cada nen@ fixo un debuxo relacionado coa temática que traballa a súa clase do PDI "Conciénciate co medio". Estes, expuxéronse no corredor principal do cole e o último día antes das vacacións, cada alumn@ levou o seu calendario para a súa casa.

Desexámosvos un 2020 cheo de ledicia, saúde e moita lectura! Apertas da vosa mascota, GusiBot!