8M

Hoxe celebramos o Día Internacional da Muller, e o alumnado estivo traballando sobre mulleres importantes da súa vida, pero tamén do país da súa aula, para coñecer un pouco máis a historia das culturas que estamos estudiando no noso PDI "Países do Mundo".

En Educación Infantil dentro do seu país MÉXICO, traballaron a Frida Kahlo.

En 1º de Primaria desde España, traballaron a Elena García Armada.

En 2º de Primaria desde Suíza, traballaron a Renate Brümmer, pero como vedes tamén investigaron sobre Greta Thunberg, Oprah Winfrey, Juana de Arco, Astrid Lindgren...

En 3º de Primaria desde Perú, traballaron a Laura Rodríguez Dulanto.

En 4º de Primaria desde Cuba, traballaron a Alicia Alonso.

En 5º de Primaria desde Italia, traballaron a María Montessori.

En 6º de Primaria desde Francia, traballaron a Marie Curie.

En Relixión desde Japón, traballaron a Katsuko Saruhashi.

Na Biblio tamén poderedes atopar un montón de biografías de mulleres importantes e libros con moitas historias sobre mulleres fortes e loitadoras das que poder aprender mil cousas. Deixámosvos un estante cunha pequena selección, pero se investigades pola biblio atoparedes máis libros sobre mulleres fascinantes da historia. 

LECTURA DIXITAL

Ola queridas lectoras e lectores!!

Como xa sabedes, hoxe démosvos os vosos identificadores e contrasinais para que poidades acceder á nova plataforma de lectura e préstamo dixital das Bibliotecas Escolares de Galicia.

Para acceder a ela só tedes que picar neste enlace (tanto dende un ordenador, como tablet e móbil) e meter os datos que vos facilitamos hoxe: http://bega-elbe2.edu.xunta.es/

Nesta plataforma poderedes ter acceso ao préstamo de máis de 3000 títulos dispoñibles para ler en pantalla en calquera momento e lugar. Así que xa sabedes, a bucear pola páxina e a atopar os libros para ler das temáticas que máis vos gusten!!

Apertas de Gusibot!!

 

Lectoras do mes de Febreiro!

PARABÉNS SARA, ALMA E CAMIL!!

 

ENTROIDO 2022

SOLUCIÓN 6º MONUMENTO

TATATACHÁN!!!

Moi ben adiviñado!! Gusibot visitou a Estatua da Liberdade, en Nova York!!

A nova viaxe a onde será???

 

Vídeo presentación do cole

 

DÍA DE ROSALÍA DE CASTRO

 Hoxe, 23 de febreiro, celebramos o día de Rosalía de Castro. O alumnado de cada clase escolleu un poema da autora e o recitou en vídeos. Con isto, fixemos un mural cos poemas e códigos QR para acceder ás gravacións de cada aula. Podedes vir a investigar cos IPADS da biblio a escoitar todos os preciosos poemas que fixeron!!

Tamén podedes acceder desde o Youtube do cole: Gusibot Conmeniño

MANDADIÑOS DO MECO

Bo día Conmeniños!!! 

Quentamos motores para o noso Entroido colocando o meco cos seus madadiños para as disfraces da semana que vén!!

O luns para comezar, algo enriba da cabeza terás que levar.

O martes cunhas lentes divertidas virás, para ter ganas de estudar.

O mércores se non queres facer o paripé, algo diferente en cada pé.

O xoves para rematar, cun pixama quentiño virás.

O venres xa sabedes, aos países do mundo representaredes.

ENTROIDOS DO MUNDO

Ola queridas lectoras e lectores!!

Chega o entroido e dentro do noso proxecto sobre os Países do Mundo, preparamos un expositor na biblio con diferentes entroidos do mundo enteiro, para que poidades vir a investigar cos Ipads do cole. Cal é o entroido do país escollido na vosa aula? Que outros entroidos importantes hai no mundo e sobre todo en Galicia?

Xa nos contades que averiguades!!

Apertas de Gusibot

SOLUCIÓN 5º MONUMENTO

Con moita imaxinación pensáchedes que era Hogwarts, pero era a Alhambra de Granada!!!

Cal será a seguinte a viaxe de Gusibot??

Lectora do mes de xaneiro!!

 

DÍA ESCOLAR DA PAZ E A NON VIOLENCIA

Este fin de semana día 30 de xaneiro conmemoramos o Día Escolar da Paz e a Non Violencia, e no cole estivemos unhas semanas traballando nunha exposición moi interesante para celebrar este día tan importante.

Dentro do proxecto de Arts sobre Pablo Picasso, analizamos o cadro do Guernica e falamos sobre a devastación e a dor que provocan a violencia e as guerras, e profundizamos nos valores importantes que temos que ter como persoas para fomentar a paz no mundo. 

Despois, fixemos nas clases con diferentes técnicas artísticas 3 colaxes colaborativos do Guernica, pero a todo color, en oposición á oscuridade que provoca a violencia. E os nenos e nenas de Infantil adornaron tamén as paredes da nosa exposición cunhas bonitas pombas da paz.