martes, 29 de marzo de 2016

DÍA INTERNACIONAL DA MULLER+OBRADOIRO DE ESCRITORES II

Ola a todos!
Nada máis chegar das vacacións, queremos compartir con todos vós algúns dos textos descritivos (instruccións AQUÍ)que saíron do noso 2º obradoiro de escritores.
1º a 6º de primaria traballamos co proceso de escritura completo: planificación nun mapa de ideas, borrador, texto final e revisión. Algúns exemplos a continuación:



Premendo nos debuxos da imaxe interactiva inferior poderedes escoitar as descricións das mulleres ás que admiramos:

E, xa para rematar, algúns dos nosos grandes escritores cos seus traballos:





Parabéns a todos! En breve, unha nova misión coma escritores!

martes, 8 de marzo de 2016

DÍA INTERNACIONAL DA MULLER-DESCUBRINDO MULLERES ARTISTAS.

Para recordar a conmemoración do Día Internacional da Muller hoxe, 8 de marzo, comezamos a nosa tarefa de investigación "Mulleres Artistas". Aproveitamos a actividade para presentarlle ao alumnado as novas ferramentas coas que contamos na biblioteca, polo que organizamos a actividade do seguinte xeito: colocamos polo colexio carteis coa imaxe dunha muller artista e un código QR asociado a unha ficha de información interactiva (inclúen vídeos ou presentacións) sobre dita artista. No cartel hai tamén unha ficha de recollida de datos.
O alumnado ten que ir polo colexio atopando ditos carteis, escaneando os códigos QR para descubrir quen son as mulleres da imaxe e para completar a información da ficha de recollida de datos. Hoxe presentamos a actividade e nos vindeiros días terán que ir completando toda a información para descubrir a estas mulleres artistas.






Como complemento a actividade, e para que todo o alumnado coñeza a todas as artistas que presentamos aínda que non buscasen eles a información, traballarán despois nunhas fichas de traballo sobre a exposición.
Podedes coñecer as mulleres artistas que estamos a descubrir na seguinte presentación:

luns, 7 de marzo de 2016

OBRADOIRO DE ESCRITORES II- FACEMOS UN TEXTO DESCRIPTIVO

Como proposta para a 2ª tarefa do noso Obradoiro de Escritores, imos escribir un texto descriptivo sobre unha muller da nosa contorna á que admiramos. Aquí vos deixamos unhas pautas que vos poden axudar para as vosas descricións. Adiante, escritores!

venres, 4 de marzo de 2016

POR QUE SE CELEBRA O DÍA INTERNACIONAL DA MULLER?

Ola a todos!

Como ben sabedes, o vindeiro martes 8 de marzo é o Día Internacional da Muller. Pero, por que esta data? Por que se escolleu este día? Se queredes sabelo non tedes máis que mirar a pequena presentación que tedes a continuación.

Como vos explico na última carta que vos enviei, a nosa nova tarefa do Obradoiro de Escritura vai ter que ver con esta data. Moito ánimo a todos coas vosas descricións de mulleres da vosa contorna. A Ratiña máis eu estamos impacientes por lelas.

Lembrade tamén que a semana próxima poderedes descubrir a interesantes artistas mulleres polos corredores do colexio ademáis de coñecer o novo recurso co que contamos na biblioteca. Estade atentos!

martes, 1 de marzo de 2016

HEROES DA PAZ

 Con retraso pero aquí chega unha compilación da actividade de investigación que levaron a cabo os pequenos polo Día da Paz. Cada grupo investigou sobre un heroe da paz (unha persoa, unha institución, unha historia...) e despois conpartírono co resto do colexio facendo pequenas presentacións. Que poderedes ver ou escoitar premendo na seguinte imaxe interactiva.

martes, 16 de febreiro de 2016

TRABALLANDO O SENTIMENTO DO AMOR POLO DÍA DE SAN VALENTÍN

Ola a todos!
Como ben sabedes o pasado domingo foi o Día de San Valentín, o Día do Amor. Aínda que é un sentimento diario, aproveitamo a data para traballar os diferentes tipos de amor que podemos sentir e adicar unhas palabras a esas perosas que queremos.
Os pequerrechos de 6º de infantil escribiron unhas fermosas tarxetas de San Valentín que podedes ver a continuación.




 Os nenos de 5º e 6º, adicaron unhas pequenas mensaxes de amor en inglés ás súas familias, amigos, ... Podedes ver a primeira parte das mesmas no seguinte vídeo:

Os nenos de 3º, na sección bilingüe de plástica, inspiráronse no artista Piet Mondrian para as súas creacións amorosas. 


 
E os nenos de 4º, traballaron representando co seu corpo algunhas obras relacionadas co amor do artista estadounidense Keith Haring.



Agardamos que tivesedes todos un día cheo de amor familiar!

mércores, 10 de febreiro de 2016

ENTROIDO EMOCIONANTE E ARTÍSTICO DE CONMENIÑO- PARTE II

E traémosvos hoxe o vídeo do que foi o noso Entroido emocionante e artístico de Conmeniño.




Foi unha xornada moi entreida e divertida, agardamos que as familias teñades pasado un bo rato. De novo, MOITÍSIMAS GRAZAS pola vosa colaboración na elaboración dos disfraces e de postres de Entroido.
Todas as fotos por se as queredes descargar, AQUÍ.
Ata a próxima!

martes, 9 de febreiro de 2016

ENTROIDO EMOCIONANTE E ARTÍSTICO DE CONMENIÑO PARTE I - O MECO MANDOU

Ola a todos!
Hoxe traémosvos as imaxes dos mandados do meco, moi ben mandados estes pequenos!



 E se queredes ver todas as fotos do meco, só tedes que premer AQUÍ.
Estade atentos, en breve publicaremos as imaxes do noso Entroido emocionante e artístico!

venres, 5 de febreiro de 2016

luns, 1 de febreiro de 2016

DÍA DA PAZ 2016- PRIMEIRA PARTE

Ola a todos!
Traémosvos un pequeno resumo do noso Día da Paz deste ano. Comezamos co Mercadiño Solidario que, un ano máis, foi un éxito.
Seguimos o mesmo sistema que o curso pasado: un libro por un alimento.
Os nenos de 5º e 6º encargáronse da montaxe, o intercambio e a recollida de alimentos.



Chegou o día e toda a comunidade educativa participou no noso mercadiño. Moitas grazas a todos!

  

Entre todos recaudamos: 
Para Cáritas: 86 paquetes de pasta, 30 kg de arroz, 17 kg de azucre, 42 paquetes de legumes, 12 paquetes de galletas, 5 caixas de cereais, 35 litros de leite, conservas, fariña, aceite, s ... e moitas máiscousas.
Tamén recollemos axuda para o Refuxio de animais de Cambados, para o que se recaudou area para gatos, lixivia, comida de gato e de can...


Outra das actividades celebradas co gallo do Día da Paz foi a comida co alumnado de 6º de primaria, que comeron todos xuntos cos mestres o pasado martes. Trouxeron comidas variadas para compartir e gozaron dun divertido almorzo de convivencia.



 Atentos, seguiremos informando sobre o noso Día da Paz 2016.

O MARTES, O MECO MANDA ...

Hoxe apareceu o Meco no noso cole, coma sempre, coas súas exixencias. Para mañán MARTES manda...
PARA UN DÍA AMOROSO VIVIR... CHEO DE BICOA AO COLE HAS DE VIR!
Así que a gardar todos os bicos para traelos "postos" mañán!