POLO ENTROIDO EN CONMENIÑO...

Ola ratiños! 

Xa está a piques de chegar o Entroido (que rápido pasa o tempo!), e este ano, dende o cole temos unha proposta para vós e as vosas familias. 

Como neste curso estamos a traballar a natureza ("Conmeniño, unha porta aberta á natureza"), queremos que o noso Entroido non vaia en contra dela xerando máis residuos; polo que imos celebrar este ano un "ENTROIDO NATURAL".

A idea consiste en que nas vosas casas, coas vosas familias, deseñedes e elaborades un traxe moi especial, feito con materiais de refugallo (roupa vella, cartón, botellas, papel de xornal, caixas... o que se vos ocurra) e ao mesmo tempo orixinal.

Deste xeito, o día no que imos celebrar o Entroido no cole (8 de febreiro), será un día cheo de sorpresas, xa que teremos a oportunidade de ver o imaxinativos e creativos que fostes todos para elaborar o voso traxe.

O tema dos disfraces é a NATUREZA (plantas, animais, insectos, elementos da natureza...). 

Agora xa só vos queda deixar a vosa imaxinación voar para a todos coa boca aberta deixar!

Déixovos aquí un pequeno vídeo con algunhas ideas que vos poden inspirar, por se as queredes empregar (non son todos traxes inspirados na Natureza, pero poden aportar ideas)

Isto é todo por hoxe, un saúdo de ratiño lector e ata a próxima! A traballar!

O SOÑO DE LOLO

Ola ratiños, como xa se acreca o Día da Paz (30 de xaneiro), tráiovos un conto que pode ser moi útil para reflexionar nesta data ou calquera día do ano! Podedes escoitar o conto en galego ou castelán e facer despois as actividades. (Grazas á profe Belén Junquera por compartilo con todos nós!)

FESTIVAL DE NADAL-TERCEIRA PARTE

E, xa para rematar, aquí van as últimas actuacións do Nadal Cultural de Conmeniño. Unha vez máis, moitas grazas pola vosa colaboración, aprendín moitas cousas que me van ser de grande utilidade para a miña viaxe  á descuberta da natureza en distintas paisaxes.

Primeiro a actuación e a presentación dos alumnos de 5º, que viaxaron á rexión andina.

Aquí tedes tamén a actuación dos nenos de 6º, coa súa descoberta do continente africano.

E, finalmente, unha mensaxe de Nadal para todos.

Aquí sí que remata a reportaxe gráfica do Nadal cultural, foi unha festa xenial! Unha aperta de ratiño viaxeiro, vémonos á volta!!!

O NOSO FESTIVAL DE NADAL- SEGUNDA PARTE

Ola ratiños! Aquí vos traio a 2ª parte das vosas actuacións e presentacións. Cada vez que as vexo quedo máis impresionado!

En primeiro lugar, o turnop dos alumnos de 3º e a súa viaxe polo Reino Unido, cantas cousas aprendimos con eles, non si?

 

E para rematar, polo de agora, a actuación e presentación dos alumnos de 4º, coa súa descuberta de España.



Biquiños de ratiño viaxeiro á descuberta do mundo enteiro!

O NOSO FESTIVAL DE NADAL - PRIMEIRA PARTE

Ola ratiños! O xoves e venres celebramos o noso Nadal cultural, cheo de actuacións, e moita diversión. Quedei impresionado con tanta información e colaboración. Fostedes de grande axuda coa vosa colaboración. Eu xa parto de viaxe, xa sabedes, para descubrir distintas paisaxes e aspectos da natureza que vos poidan interesar para o voso proxecto escolar. Pero antes de partir, todo o que vin no fetsival con vós quero compartir. Deixo preparadas as actuacións e presentacións, que irán aparecendo por aquí para que quede constancia da vosa grande labor.

Hoxe tráiovos as actuacións de Ed. Infantil, 1º e 2º.

Imos primeiro a Hawaii cos nenos de Ed. Infantil:

Seguimos cos nenos de 1º e a súa presentación e canción dende a China!



E para rematar por hoxe, os nenos de 2º co seu telexornal dende Alemaña e a súa actuación.

200 ANOS DOS CONTOS DOS HERMANOS GRIMM

Ola ratiños! Hoxe tráiovos unha nota cultural. Hoxe cúmplense 200 anos dos contos dos Hermanos Grimm, escritores de orixealemán e autores de historias tan coñecidas como "Hansel y Gretel", a "Carapuchiña Vermella"...

Durante o día de hoxe (20 de decembro), se ides a Google poderedes ver unha fermosa animación do conto da Carapuchiña Vermella. Aquí vola deixo:

E se premedes na imaxe inferior dos Trotamúsicos poderedes ver o 1º capítulo desta serie animada baseada na historia "Los músicos de Bremen" dos Hermanos Grimm.

POLO NADAL... LIBROS, UN REGALO XENIAL!

Ola ratriños! Por se aínda non escribíchedes a carta aos Reis Magos, aquí vos deixo unhas recomendacións dun regalo xenial: lecturas!

Agardo que vos gusten estas recomendacións lectoras para o Nadal!

CARTA DO RATIÑO!

Ola ratiños! Como vai todo? Aquí vos deixo as cartas que vos escribín e que as miñas axudantes vos leron polas clases hai uns días, para que non vos esquezades da vosa misión ;) 

E aquí tedes tamén o vídeo :

RECURSOS DE NADAL

Ola ratiños. Aquí vos deixo este fantástico GLOGSTER ou poster dixital creado por Belén Junquera, e que podedes atoar no seu blogue "Casa de Tolos". Moitas grazas de novo, profe! Premede na imaxe do póster e a atopar as actividades para poder xogar!

E se querede máis recursos, ben premendo na etiqueta "Cousas do Nadal" ou na árbore de Nadal atoparedes moitas máis. 

UN DÍA DE MAGOSTO ALÁ POR NOVEMBRO

Ola ratiños!

Cun pouco de retraso pero aquí está a reportaxe gráfica do Magosto. Vivan as castañas!

 

Álvaro, Eloy, Mar e Sandra fixeron un bo traballo, non si?
Saúdos de ratiño lector!

PARA OS PROFES: ACTIVIDADES EN TORNO A LA LECTURA

Ola! Hoxe traio unha proposta lectora para os profes. Trátase dunha  recompilación de actividades que se poden facer en torno á lectura. É unha selección feita por Loudes Domenech, autora do blogue "A Pie de Aula", un espazo moi recomendable para docentes.

UN ESPAZO PARA CONTAR LIBROS

Ola ratiños! Sinto ter tardado tanto en escribirvos, pero xa sabedes que ando un pouco ocupado co da miña viaxe... Por iso tiven que mandar aos meuS axudantes a pedirvos axuda... Pero hoxe non veño falar diso, iso será outro día, que teño moitas cousas pendientes. Hoxe tráiovos unha recomendación para vós, para os papás, os profes...

Se premedes na imaxe inferior descubriredes un espazo no que a xente comparte información sobre os libros que leu. Poderedes escoitar a nenos e adultos falando das súas lecturas, o que penso que é moi interesante, xa que nos podemos facer unha idea sobre historias moi variadas e seleccionar algunhas que ao mellor a vós tamén vos apetece ler. Nada máis, só premede na imaxe para descubrir moitas historias!

Ah! Que me esquecía! E podedes vós tamén colaborar contando sobre as vosas lecturas, AQUÍ vos deixo as instruccións.