ALGÚNS LUGARES NOS QUE DESCUBRIR LECTURAS, ATOPAR RECURSOS...

Ola! Hoxe tráiovos unha entrada un pouco diferente. Vou incluir nela 3 recunchos virtuais nos que podedes atopar distintos recursos para ler, escribir, imaxinar, ... en resumo, gozar coas palabras.

O primeiro é "La Caja de las Palabras Mágicas", onde poderedes atopar contos, xogos, recursos para profes...

En "Cuentos para Dormir" atoparedes moreas de historias para ler, escoitar, aprender...

E xa para rematar, un recuncho moi especial para os fans do meu amigo rato, Gerónimo Stilton. poderedes xogar con este super ratón, descubrir as súas últimas aventuras, crear o teu avatar...

Lembrade que estes recunchos quedan tamén recollidos na barra lateral, baixo o título "Lecturas fóra dos libros"

Apertas de ratiño lector!

O LIBRO DE 2º SOBRE ARTES E APEIROS DE PESCA

Ola ratiños! Hoxe tráiovos unha das vosas creacións literarias coa que fiquei ABRAIADO. Como xa sabedes, neste curso estamos a traballar sobre a natureza, baseándonos no lema que o ratiño de Conmeniño nos propuxo para este curso:

Para o noso 1º proxecto, o ratiño baixou aos fondos mariños, onde descubriu moitísimas cousas grazas aos vosos traballiños. Aquí vos deixo o libro sobre Artes e Apeiros de Pesca escrito e ilustrado polos alumnos de 2º de Primaria. Lembrade que ademais de aquí, podedes lelo na nosa biblioteca.

Open publication - Free publishing - More book

Estade atentos, proximamente poderedes ver aquí mais cousas das que descubriu o noso ratiño...

Ata a próxima!

PARA O MAGOSTO

Ola ratiños! Escoitei que o martes 13 celebrades o Magosto aquí no cole. Para que aprendades moitas cousas sobre esta celebración tradicional,, aquí vos deixo unha recompilación de actividades variadas sobre o tema.

E máis actividades preparadas polo CEIP de Galán.

DÍA DAS BIBLIOTECAS ESCOLARES EN CONMENIÑO

Ola ratiños!

Aquí vos deixo un resumo en imaxes da celebración do Día das Bibliotecas Escolares 2012-2013. Moitas grazas polas vosas mensaxes!
.

SAMAÍN EN CONMENIÑO

Ola ratiños! Aquí vos deixo un vídeo coa nosa celebración de Samaín ou Halloween. Que cabazas tan incribles fixestes, canto traballo ben feito! PARABÉNS a todos e MOITAS GRAZAS ÁS FAMILIAS pola súa colaboración!

Ata outro día, ratiños!

Apertas de rato lector!

É TEMPO DE CABAZAS, CHEGA O SAMAÍN....

Ola ratiños!!!

Primeiro de nada, moitísimas grazas polas vosas poesías e traballiños contándome por que é que "LER É UN PRACER". Nuns días conpartireinos con todos vós, pero hoxe toca algo de Samaín, que xa esta aí!

Déixovos o vídeo dun conto moi fermoso (que podedes atopar na nosa biblioteca) titulado "Corre corre, cabaciña", da autora Eva Mejuto.

Despois de escoitar o conto, se premedes na imaxe da cabaza poderedes facer unhas actividades relacionadas co conto. A ler e a xogar!

Ah! E premendo AQUÍ, podedes tamén cantar este conto, cantas cousas!

O RATIÑO DE CONMENIÑO, UN RATIÑO DE MAR...

Este ano, pola Festa do Marisco, o ratiño de Conmeniño viaxou aos fondos mariños. Aos fondos mariños de Conmeniño, claro! Onde descubriu moitas cousas grazas ao voso traballo. Mirade mirade!

Ademais disto, tamén lle quixemos ensinar algo de inglés, polo que entre o alumnado de 3º, 4º, 5º e 6º de primaria elaboramos esta actividade LIM sobre o mar en English!

24 DE OUTUBRO: DÍA DA BIBLIOTECA ESCOLAR 2012

Co lema, "Biblioteca escolar, acelerador de innovación", preséntase o cartel que neste curso 2012/2013 edita a Consellería de Cultura, Educación e Ordenación Universitaria  co gallo da celebración do mes da biblioteca escolar (outubro) e do Día da Biblioteca (24 de outubro) . Nesta ocasión, a ilustración correspondeu ao creador galego Andrés Meixide, que vén sumarse así aos ilustradores que teñen colaborado no obxectivo de difundir as posibilidades da biblioteca escolar (Manuel Mariño -2008, Miguelanxo Prado - 2009.

Non vos esquezades de pasar mañán mércores pola biblioteca e escribirme contándome por que é que "LER É UN PRACER!"

Un saúdo, ratiños, voume poñer guapo para mañá !

AI, QUE ILUSIÓN, A MIÑA PROPIA CANCIÓN!

Ola ratiños! O que descubrín! Mirade, mirade o vídeo!

video ratiño from Biblioconmeninho on Vimeo.

Sí, é unha canción dobre o ratiño de Conmeniño cantada polos nenos de 3º. Ai, moitas grazas! Encántame esta canción que me adicáchedes. Aquí debaixo vos deixo a letra, non tedes máis que premer na imaxe para ler e cantar esta fermosa canción escrita pola profe Luisa.

Biquiños de ratiño emocionado!

CONTACONTOS EN CONMENIÑO

Ola ratiños e ratiñas! Hoxe traio moi boas novas. Mañá, as 16:30 haberá unha sesión de contacontos na nosa biblioteca. Queredes saber quen vivía alá no cabo do mundo no país onde o vento da a volta? Se queredes coñecer a Camila, espérovos o luns na biblioteca. Eu estarei en 1ª fila!

Ay, que me esquecía! Se premedes na imaxe poderedes escoitar este conto tantas veces como queirades e facer unhas actividades moi divertidas sobre él.

MOCHILAS VIAXEIRAS CURSO 2012-2013

Ola ratiños!

Un curso máis, as mochilas viaxeiras comezan a súa viaxe. Neste curso poderedes gozar dos libros da mochila durante 2 semanas, para que non vos quede nada sen ler.

Estes foron os nenos que levaron as Mochilas nesta súa primeira viaxe do curso 2012-2013. Estou desexando ler que me contades nos vosos cadernos viaxeiros. 

Biquiños de Ratiño Lector!

VOLTA AO COLE

Ola ratiños!!!

Como van esos últimos días de vacacións? Xa vos queda pouco... Vémonos o mércores 22 de setembro!