O pasado venres, celebramos o Día das Letras Galegas cunha fermosa xornada de convivencia co CEIP As Bizocas.
Comezamos a mañá compartindo xogos no patio. Como anfitrións, o noso alumnado preparou diferentes actividades para realizar cos nenos e nenas do mesmo curso de Bizocas, creando momentos de diversión, colaboración e novas amizades.
Despois, desfrutamos da nosa música tradicional coa actuación de “5 en Zocas”, na que tamén participaron alumnas e mestras do noso cole, enchendo o patio de música, baile e tradición galega.
Para rematar a xornada, e antes de despedir aos nosos amigos e amigas de Bizocas, cantamos xuntos a canción “Somos os Mecos do Grove”, poñendo o broche final a un día moi especial.
Durante toda a semana tamén estivemos descubrindo a figura de Begoña Caamaño, homenaxeada este ano no Día das Letras Galegas, achegándonos á súa vida e á súa obra a través de diferentes actividades realizadas na aula.
Foi unha celebración chea de convivencia, cultura e orgullo pola nosa lingua.
Ningún comentario:
Publicar un comentario