Queridos lectores/as e familias...
Como xa falta pouco para ter que escribirlle a carta aos Reis Magos... por aquí vos deixamos unha serie de novidades que podedes atopar na Biblio do centro. Así mesmo, poden axudarvos como recomendacións de lectura para as vacacións de Nadal.
Fai clic na imaxe para ver de que trata cada libro.
Boas familias e lectoras/es, aquí tedes o vídeo do festival de Nadal. Esperamos que vos guste!
Atendendo ao Plan de Convivencia e Benestar emocional o alumnado de 6º curso participou nun obradoiro de convivencia
E o premio a nosa lectora Olímpica do mes de novembro é para...
EVA RADIO GONDAR! En hora boa súper lectora!
Vídeo sobre o 3 de decembro protagonizado polo alumnado de 4º de Educación Primaria na materia de Educación Física.
O resto de alumnado tamén contou contos... 4º de EP foron padriños e madriñas lectoras de 5 anos e de 1º de Primaria; 5º de EP contou a 3 anos e 6º de EP contou a 4 anos, a 2º e a 3º.
Aquí vos deixamos unha pequena mostra da xornada de convivencia lectora.
Aproveitando o mes da Ciencia, fixemos o experimento da pirámide holográfica coa mestra Sandra nos recreos da Biblio, que consiste en proxectar calquera obxecto animado en tres dimensións.
Despois, todos e todas elaboramos a nosa pirámide, probando que funcionase!
Para a conmemoración do Día Internacional contra a violencia de Xénero, o alumnado de 2º, traballou a través de diferentes contos. O primeiro deles "¿Qué es el amor?, onde Emma a nena protagonista intenta averiguar que é iso do amor, preguntándolle a todos os seus familiares. O segundo libro sería "O lápis máxico de Malala", sobre a famosa activista defensora da educación e gañadora do Premio Nobel da Paz.
Para conmemorar o 25 de Novembro traballamos interdisciplinarmente coas materias de plástica, sociais e lingua galega e castelá. Decidimos traballar a partir do cadro "A liberdade guiando ao pobo" de Delacroix, xa que é a partir deste de onde procede a mascota dos Xogos Olímpicos de París 2024.
