ENTROIDO 2022

SOLUCIÓN 6º MONUMENTO

TATATACHÁN!!!

Moi ben adiviñado!! Gusibot visitou a Estatua da Liberdade, en Nova York!!

A nova viaxe a onde será???

 

Vídeo presentación do cole

 

DÍA DE ROSALÍA DE CASTRO

 Hoxe, 23 de febreiro, celebramos o día de Rosalía de Castro. O alumnado de cada clase escolleu un poema da autora e o recitou en vídeos. Con isto, fixemos un mural cos poemas e códigos QR para acceder ás gravacións de cada aula. Podedes vir a investigar cos IPADS da biblio a escoitar todos os preciosos poemas que fixeron!!

Tamén podedes acceder desde o Youtube do cole: Gusibot Conmeniño

MANDADIÑOS DO MECO

Bo día Conmeniños!!! 

Quentamos motores para o noso Entroido colocando o meco cos seus madadiños para as disfraces da semana que vén!!

O luns para comezar, algo enriba da cabeza terás que levar.

O martes cunhas lentes divertidas virás, para ter ganas de estudar.

O mércores se non queres facer o paripé, algo diferente en cada pé.

O xoves para rematar, cun pixama quentiño virás.

O venres xa sabedes, aos países do mundo representaredes.

ENTROIDOS DO MUNDO

Ola queridas lectoras e lectores!!

Chega o entroido e dentro do noso proxecto sobre os Países do Mundo, preparamos un expositor na biblio con diferentes entroidos do mundo enteiro, para que poidades vir a investigar cos Ipads do cole. Cal é o entroido do país escollido na vosa aula? Que outros entroidos importantes hai no mundo e sobre todo en Galicia?

Xa nos contades que averiguades!!

Apertas de Gusibot

SOLUCIÓN 5º MONUMENTO

Con moita imaxinación pensáchedes que era Hogwarts, pero era a Alhambra de Granada!!!

Cal será a seguinte a viaxe de Gusibot??

Lectora do mes de xaneiro!!

 

DÍA ESCOLAR DA PAZ E A NON VIOLENCIA

Este fin de semana día 30 de xaneiro conmemoramos o Día Escolar da Paz e a Non Violencia, e no cole estivemos unhas semanas traballando nunha exposición moi interesante para celebrar este día tan importante.

Dentro do proxecto de Arts sobre Pablo Picasso, analizamos o cadro do Guernica e falamos sobre a devastación e a dor que provocan a violencia e as guerras, e profundizamos nos valores importantes que temos que ter como persoas para fomentar a paz no mundo. 

Despois, fixemos nas clases con diferentes técnicas artísticas 3 colaxes colaborativos do Guernica, pero a todo color, en oposición á oscuridade que provoca a violencia. E os nenos e nenas de Infantil adornaron tamén as paredes da nosa exposición cunhas bonitas pombas da paz. 

SOLUCIÓN 4º MONUMENTO

Efectivamente!! Esta viaxe de Gusibot foi moi fácil... Estivo na Gran Muralla China!!

Unha pista para a seguinte viaxe... Está moi cerquiña nosa!!

SOLUCIÓN 3º MONUMENTO

O terceiro monumento ao que viaxou Gusibot foi..... A TORRE DE PISA!!! En Italia!! Acertáchedes case todos, moi ben feito!!

                               

E aquí vos deixamos o cuarto monumento... Onde foi Gusibot desta vez? Seica veu moi cansado de tanto camiñar!!

2º trimestre

Comezamos o segundo trimestre con moita ilusión e moitos libros pendentes por ler, esperámosvos na biblio!!

Desvelamos tamén a lectora do mes de decembro: LAURA!! Parabéns!!

E tamén temos novo reto... Un faciliño para quentar!! Onde foi Gusibot nestas vacacións??