Este ano, para celebrar a conmemoración do Día de Rosalía de Castro, o alumnado de primaria foi de visita á casa museo de Rosalía, en Padrón. Foi unha saída moi vivencial, xa que o alumnado puido ver e coñecer a historia da casa e a importancia que ten Rosalía na historia galega.
Para celebrar este día, traemos unha proposta para facer en familia. A quen lle apetece degustar un bo caldiño?
Ides tentar facer un caldiño tal como se describe no poema de Rosalía "Miña casiña, meu lar", do seu libro Follas Novas.
Aquí vos deixamos o poema e a historia do mesmo.
O día 21 de febreiro foi o Día Internacional da Lingua Materna, aquela que nos ensinan a falar desde nenos/as e coa que nos relacionamos.
Sabiades que no mundo calcúlase que se falan arredor de 7.100 linguas diferentes?
Escoitade esta canción tan chula de Magín Blanco a ver cantas linguas sodes quen de recoñecer.
Cal é a lingua que falas desde pequeno/a? Sabes como se lle chama? Esa primerira lingua coa que nos podemos comunicar, é dicir, falar e manter unha conversa con outra persoa, é a nosa LINGUA MATERNA.
O alumnado de 2º fixo un pequeno traballo. Primeiro fixéronse unha pregunta, que lingua empregamos dende pequenos/as?. Déronse conta de que falaban sen problema o Castelán e o Galego. O seguinte foi pasar a ficha da lingua, que veredes a continuación. Nesta lingua xigante escribiron as súas palabras favoritas e despois decoráronas.
Gústanvos? Cal é a vosa lingua materna? Tedes algunha palabra favorita?
.png)
Para celebrar o 14 de febreiro, día do amor e da amizade fixemos a seguinte actividade. Esta, está relacionada con Biblioteca Creativa.
Na primeira parte da actividade traballamos o vocabulario relacionado co amor, a amizade, o cariño... Para poder así, elaborar unha mensaxe e escribila nos corazóns de papel que máis tarde deixaremos no buzón da biblioteca.
A segunda parte foi deseñar uns sobres onde meteremos os nosos corazóns con mensaxe. Como o fixemos? Algo de pintura, uns rolos de papel dobrados con forma de corazón e papel.
Pasámolo xenial! A vós que vos parecen os nosos deseños? Gústanvos?
Aquí vos deixo unha foto do alumnado de 2º elaborando a actividade.
Canto sabes do Entroido en Galicia?
Investiga e ponte a proba.
SOBREMESAS DE ENTROIDO
En Galicia sempre é bo momento para encher o peteiro e con estes doces de Entroido tan gorentosos... a ver quen se resiste!
E na vosa casa que tedes por costume comer de sobremesa?
Este entroido, nos recreos da biblio, realizamos un taller de maquillaxe. Foi impartido polo alumnado de 6º curso e todas e todos aqueles que quixeran pintar a cara ou as uñas podía pasarse polo salón de beleza.
Exposición temática de libros en relación co Día da Muller e a Nena na Ciencia.
Por outra banda, o alumnado de 5º e 6º de Educación Primaria, realizou unha saída a Naturnova, en Vigo, proposta pola Afundación, onde puido participar nunha serie de actividades divulgativas sobre a importancia das mulleres pioneiras no campo científico.
Este trimestre, nos recreos da biblio, realizamos o segundo obradoiro de robótica. O alumnado de 6º curso, coa axuda da mestra, foi o encargado de realizar estes obradoiros tan divertidos, a través da aprendizaxe entre iguais.
.png)
