UN NOVO NÚMERO DA NOSA REVISTA ESCOLAR - RAPACES E RAPAZAS Nº 72

Ola ratiños!

Aquí vos deixo o último número da nosa revista escolar, chea cos vosos traballiños, experiencias e aventuras mariñas neste curso. Coma o curso pasado, levarédela todos a casa nun CD. Bo traballo, ratiños!

ASÍ FORON OS NOSOS 8 MESES DE VIAXE SUBMARIÑA...

NOS TAMÉN CREAMOS 2014 - AS NOSAS CURTAS

Como xa sabedes, este ano, igual que no curso pasado, participamos no concurso "Nós tamén creamos!", patrocinado pola Secretaría Xeral de política Lingüística xunto coa Editorial OQO e en colaboración coa RTVG. 

Neste curso, fomos os nenos de 1º a 4º de primaria e 6 mestras os que decidimos somerxernos nesta aventura (xa que estabamos de viaxe submariña...), polo que decidimos facer dúas curtas. Agora que xa están colgadas na sección infantil da páxina web da RTVG, xa podemos compartilas con todos vós. Agardamos que vos gusten!

"Non quero ser un polbo!" (alumnado de 1º e 2º de primaria)

"Ranilda" (alumnado de 3º e 4º de primaria)

 Queredes saber todo sobre como as fixemos? AQUÍ o descubriredes!

Se queredes recordar a nosa curta do ano pasado... premede AQUÍ

E, xa para rematar,  se queredes ver os  traballiños feitos noutros coles, NESTE ENLACE atoparedes todas as curtas presentadas ao concurso este ano.

PD: NORABOA, rapaces e profes, BO TRABALLO!

LER... CUN POUCO DE IMAXINACIÓN!

Ola ratiños!!!

Hoxe escribo para amosarvos a todos algo co que quedei moooi sorprendido. Ía eu paseando polo cole o outro día cando... de súpeto escoitei que algo pasaba na clase de 1º... Púxenme a escoitar tras a porta e estaban lendo unha historia dun robot, pero non era un robot calquera, non! Era un robot feito con imaxinación: con cousas da cociña, do salón, un aspirador... que disparate! Ou non... porque cal foi a miña sorpresa cando escoitei que os pequechos de 1º, con aquela lectura puxeron tamén a funcionar a súa imaxinación e comezaron a idear un robot feito coas cousas da clase. Que xenial é ler, que rato tan divertido pasaron (e eu tamén...) Pero non quedou aí a cousa, non. Botándolle aínda máis imaxinación, na súa casa, fixeron estes robots que podedes atopar polos corredores do cole. Bo traballo, rapaces, encántanme!

EN 1º... UN POUCO DE IMAXINACIÓN on PhotoPeach
Xa sabedes...

PD: Á sereíña tamén lle encantan...

NOS TAMÉN CREAMOS 2014-MAKING OFF

Ola a todos! Mentres non podemos publicar as curtas de animación que os nenos de 1º a 4º fixeron para o concurso "Nós tamén creamos", deixámosvos un pequeno vídeo resumo de como as fixemos. Agardamos que vos guste!!!

nonqueroserunpolbo+ranildamakingoff from Hello Teacher on Vimeo.

DIA DO LIBRO 2014 - II

E xa para rematar co Día do libro, aquí vos deixamos algúns dos traballiños que os ratiños de Conmeniño fixeron despois das sesións de contacontos que tiveron lugar durante a nosa  Semana do Libro.

Os máis pequenos fixeron manualidades relacionadas cos contos:

E os nenos de 1º a 3º de primaria inventaron os seus propios finais para as historias que lles contaran:

                                 

                                     

E coma sempre, se queredes ver ou descargar todas as fotos, só tedes que premer AQUÍ.

LETRAS GALEGAS 2014- XOSÉ MARÍA DÍAZ CASTRO

Como xa sabedes, este ano adícase o Día das Letras Galegas ao poeta lucense Xosé Mª Díaz Castro. Para descubrir máis cousas da vida e obra deste escritor galego, só tedes que premer na imaxe superior.

Premendo AQUÍ, atoparedes unha morea de recursos cos que aprenderedes moitas máis cousas sobre este autor.

Premendo na imaxe inferior, pódese acceder a unha compilación de recursos: unha unidade didáctica, un documental sobre a súa viad feito no IES Poeta Díaz Castro de Guitiriz, un Karaoke...!

Premendo na seguinte imaxe, a versión web do conto O neno a estrela, unha historia homenaxe ao poeta.

Tamén un xogo sobre o poeta. Premendo na imaxe inferior para xogar!!!

Como cada ano, os alumnos do CPI dos Dices fixeron un xenial  telexornal sobre o autor homenaxeado. Poderedes velo premendo AQUÍ. 

E xa para rematar, AQUÍ poderedes ver un vídeo no que se recitan 7 poemas de Díaz Castro.

DÍA DO LIBRO EN CONMENIÑO

Ola ratiños!

Aquí vos deixo unhas imaxes resumo da nosa celebración do Día do libro. Coma sempre, se queredes descargar e ver todas as fotos, só tedes que premer AQUÍ.

Durante 3 días, o cole encheuse de historias, historias que os nenos de 4º a 6º prepararon para contar aos nenos de Ed. Infantil a 3º de primaria!

Os nosos contacontos particulares investigaron sobre diferentes xeitos de presentar unha historia, e así, tivemos un conto contado con sombras, historias dramatizadas, un conto con monicreques, contos con apoio dixital e ata unha historia musical!

Estivemos moooi atentos para non nos perder nadiña de nada!

A verdade é que estivo xenial, canto traballaron estes contacontos! Noraboa rapaces!

Agora só nos faltan unhas pequeniñas tarefas que facer: escoller un novo final para estas historias e contalo aos compañeiros!

CADERNO DE TRABALLO "8 MESES DE VIAXE SUBMARIÑA"

Como ben sabedes, durante este curso estamos de viaxe polo fondo mariño. Alá polo Entroido, grazas ao ratiño de Conmeniño,  descubrimos o libro "20000 leguas de viaxe submariña", do escritor francés Julio Verne. Dende entón, os nenos de 6º nos len cada 15 días un capítulo pola megafonía do cole, coma se fose un programa de radio! Como complemento á lectura do libro, traballamos nun caderniño no que imos rexistrando os traballiños do proxecto anual e a lectura desta obra.  Por se a alguén lle son útiles os caderniños deixámolos aquí,  só tedes que premer na imaxe inferior para velos e descargalos. Hai un para cada ciclo e está tamén o texto dos 7 capítulos cos que nós traballamos (empregamos esta versión adaptada para todo o colexio)

Aquí vos deixamos algunhas das portadas do libro "20000 leguas de viaxe submariña" deseñadas polos nenos de Conmeniño!

FELICIDADES, PAPÁS!

No día de hoxe, adicado aos pais, un conto de papás!

UNHA ACTIVIDADE MOI SABOROSA...

Ola ratiños, 

hoxe tráiovos un recordatorio do que se está a cociñar en Pontevedra: O Salón do Libro de Pontevedra! Dende o 15 de marzo ata o 5 de abril podedes visitalo e descubrir como están "Cociñando contos" Premede na imaxe para ver o programa!

Saudiños de ratiño cociñeiro de contos!

UN ENTROIDO MOI MARIÑO EN CONMENIÑO

Ola ratiños! Por fin vos traio o resumo do que puiden ver da vosa celebración de Entroido.

Cando comezou a semana, empecei a ver cousas raras: nenos con barcos por sombreiro e con peixes cuberto o corpo enteiro...

Loco entereime, que era cousa do meco, ese meco mequiño... sempre mandando! Este ano, como non podía ser doutra maneira, ata o meco ven do fondo mariño, polo que os seus mandados trouxeron a brizsa do mar ao cole.

Un barco na cabeza, peixes por todo o corpo, unha áncora colgada da barrigola e uns zapatos preparados para a choiva e o mar...

E, xa chegado o día, un fermoso desfile! Os pequechos prepararon coas familias uns disfraces xeniais inspirados no libro que estamos a descubrir este ano no cole "20000 leguas de viaxe submariña" de Julio Verne. Así, desfilaron polo cole: Capitáns Nemo de 1º ciclo, polbos xigantes de Ed. infantil, submariños Nautilus de 2º ciclo e buzos de 3º ciclo.

Unha vez máis, MOITAS GRAZAS ÁS FAMILIAS POLA SÚA COLABORACIÓN.

Deica a próxima, amigos!