Nas clases de inglés estamos a traballar sobre Nelson Mandela, o ex presidente sudafricano defensor dos dereitos humanos e premio Nobel da Paz en 1993. Se queredes coñecelo, aquí vos deixamos unha actividade LIM con algunha información da súa vida e unhas sinxelas actividades. Está en inglés e en castelán.
martes, 28 de xaneiro de 2014
sábado, 25 de xaneiro de 2014
PLAN PROXECTA EN CONMENIÑO: NÓS TAMÉN CREAMOS!
Este ano, os nenos de 1ºa 4º, xunto con 6 das nosas mestras, imos participar no Plan Proxecta, máis concretamente no programa "Nós tamén creamos!", organizado pola Secretaría Xeral de Política Lingüística.
Estre programa consiste na creación dunha curta de animación a apartir dun libro empregando a técnica de Stop Motion.
A primeira parte da actividade consistiu en escoller unha historia de entre os 14 libros que nos trouxeron ao colexio. Para isto, o ratiño convidounos á biblioteca para explicarnos alí cal era a nosa misión.
Unha vez alí, o ratiño propúxonos dúas tarefas diferentes. Aos nenos de 1º e 2º, propúxonos un libro do fondo mariño, que nos contaron e nós decidimos escoller como o libro no que basear a nosa película. E aos nenos de 3º e 4º, mandounos organizarnos en grupiños, a cada un asignounos un libro que nós lemos e despois presentamos aos compañeiros.
Logo votamos e saíron os escollidos!
martes, 21 de xaneiro de 2014
COUSAS DA PAZ
Profes, nenos e familias, aquí vos deixamos unha pequena escolma de recursos para o día da paz: contos, poemas, actividades LIM, imprimibles...
Coma sempre, moitas grazas a todos eses mestres que comparten o seu traballo!
xoves, 16 de xaneiro de 2014
ALGÚNS CONSELLOS LECTORES...
Aquí vos deixamos un par de recursos que nos dan consellos para convertirnos en mellores lectores. Agardamos que vos sexan de utilidade!
Unha wiki na que atoparedes uns consellos sobre que facer cando nos poñemos a ler. Hai tamén unha morea de lecturas para practicar !
E este libro é para os papás. Vai dirixido a que facer ata os 6 anos, pero moitos dos consellos poden ser aplicados despois dos 6 anos.
mércores, 1 de xaneiro de 2014
BENVIDO 2014!
Para dar a benvida ao novo ano, no cole elaboramos uns almanaques moi mariños para que cada neno regalase á súa familia. Aquí volos deixamos!
mércores, 25 de decembro de 2013
NADAL MARIÑO DE CONMENIÑO- 3ª PARTE
E xa para rematar co repaso ao noso Nadal mariño, os nenos de 4º e 6º, cos seus traballiños e actuacións.
Os alumnos de 4º trouxeron unha nova relacionada con Papá Noel, atentos! E ademais cantáronnos "Villancico marinero"
E os maiores do cole presentáronnos o aprendido sobre os mexillóns e interpretaron "O meu barco".
sábado, 21 de decembro de 2013
NADAL MARIÑO DE CONMENIÑO - 2ª PARTE
Ola ratiños!
Hoxe tráiovos as actuacións e presentacións dos nenos de 3º e 5º de Ed. primaria. Quedei impresionado cos vosos traballiños!
Comezamos cos nenos de 3º, que se están a convertir en expertos en golfiños, e nos contan todo o que destes simpáticos animaliños xa saben. Ademais disto, cantáronos a canción "Yellow submarine".
NADAL MARIÑO DE CONMENIÑO -1ª PARTE
Ola ratiños, por aquí vos deixo as actuacións dos nenos de Ed Infantill, 1º e 2º de primaria e os seus traballiños.
Primeiro de nada, os nenos de infantil nos presentan aos cangrexos ermitaños, os cabaliños e as estrelas de mar; e nos cantan :"Sereiña do mar". Xenial, chicos!
A continuación, os nenos de 1º de primaria nos presentan a historia da súa viaxe ao Ártico e nos cantan "1 peixiño moi divertido".
E, para rematar por hoxe, os ratiños de 2º, coa súa actuación "Glu-glu-glu" e a súa presentación sobre as quenllas. Bo traballo, chicos!
*** Lembrade que podedes descargar os vídeos!
O NADAL MARIÑO DE CONMENIÑO
Chegou o Nadal, e con el, a viaxe do noso ratiño. Como non podía ser doutra maneira, este ano vai viaxar polo fondo mariño, e, un ano máis, pediunos axuda. Escribiunos unha carta que podedes ler premendo AQUÍ, e deixóunola á porta das aulas haberá cousa dun mes.
Nesta carta pedíanos axuda para coñecer máis cousas sobre po fondo mariño; criaturas perigosas, cousas nas que se fixar, animais a investigar... E nós, sempre atentos ás peticións do noso ratiño, puxémonos mans á obra a traballar.
Escollemos un tema, que foi o mesmo escollido por cada aula para o Día das Bibliotecas Escolares, pensamos nunha maneira de contarllo, documentámonos e elaboramos uns traballiños que presentamos estes días nos nosos festivais de Nadal para compartilo co ratiño e con todos os compañeiros do cole.
Ademais disto, cantamos unhas cancións mariñas tamén adicadas ao noso proxecto anual. Nós aprendemos moitas cousas e pasámolo xenial, agardamos que ás familias lles teña gustado.
Pouco a pouco iremos colgando aquí as actuacións e os traballiños presentados, pero hoxe deixámosvos as imaxes do noso Nadal mariño. Premendo no collage accederedes a todas as fotos e podedes descargalas se queredes.
Aproveitamos a ocasión para dar as grazas ás familias pola súa colaboración.
Que pasedes unhas moi felices festas!
martes, 17 de decembro de 2013
POLO NADAL, MERGÚLLATE NOS LIBROS - RECOMENDACIÓNS LECTORAS
Ola, ratiños!
Aquí vos traio unhas pequenas ideas para engadir á lista dos Reis Magos e/ou Papá Noel.
martes, 10 de decembro de 2013
BENEFICIOS DE CONTAR CONTOS AOS NENOS.
Premendo na foto inferior accederedes a un artigo sobre os beneficios de ler aos nenos dende pequenos. Agardamos que sexa do voso interese.
mércores, 4 de decembro de 2013
CADERNOS VIAXEIROS I
Ola ratiños!
Aquí vos deixo algúns dos vosos traballiños nos cadernos viaxeiros. A seguir así! Premede na segunda imaxe para velos todos!
Subscribirse a:
Publicacións (Atom)