O pasado 13 de febreiro celebramos no cole o noso agardado desfile de Entroido, unha xornada chea de cor, música e moita ilusión.
Este ano o Entroido estivo moi ligado ao noso PDI, xa que cada clase se disfrazou da etapa da Historia que está a traballar durante este curso. Foi unha maneira moi divertida de aprender e de compartir co resto do cole todo o que estamos descubrindo.
Desfilamos, bailamos e gozamos moitísimo vendo a creatividade e o esforzo de cada grupo. As familias tamén puideron acompañarnos neste día tan especial.
Para rematar a celebración, xuntámonos todos e todas para bailar a canción "Tataravoa" de Fillas de Cassandra, porque ao estudar a Historia decatámonos da importancia das nosas raíces e do valor das persoas maiores, que gardan a memoria do pasado.
Foi un día para lembrar… e para seguir facendo historia xuntos!
No seguinte enlace podedes ver un pequeno vídeo do noso desfile:
Ningún comentario:
Publicar un comentario