Un ano máis, polo San Martiño, organizamos o Magosto no colexio. Este ano implicámonos en todos os pasos, polo que comezamos picando as castañas que a ANPA mercou para a ocasión.
Aprendemos a facer os cucuruchos para gardalas reciclando follas de xornal.
E, xa no día propio, mentres se asaban as castañas...
Pasamos un moi bo rato cos diferentes xogos cooperativos que organizou Pilar, a mestra de Ed. Física, e dos que se encargaron os nenos de 6º de ser os monitores explicando as normas e axudando durante os xogos.
Unha vez rematados os xogos, polos que fomos rotando todos os equipos, chegou a hora de comer as castañas!
Mmmm! Estaban boísimas! Moitísimas grazas á ANPa por encargarse de mercar as castañas e aos convidados especiais que viñeron axudar a asalas. Deica outra a todos!
Ah! E coma sempre, se queredes ver máis fotos do fermoso día, só tedes que premer AQUÍ.
Ningún comentario:
Publicar un comentario