É TEMPO DE CABAZAS, CHEGA O SAMAÍN....

Ola ratiños!!!

Primeiro de nada, moitísimas grazas polas vosas poesías e traballiños contándome por que é que "LER É UN PRACER". Nuns días conpartireinos con todos vós, pero hoxe toca algo de Samaín, que xa esta aí!

Déixovos o vídeo dun conto moi fermoso (que podedes atopar na nosa biblioteca) titulado "Corre corre, cabaciña", da autora Eva Mejuto.

Despois de escoitar o conto, se premedes na imaxe da cabaza poderedes facer unhas actividades relacionadas co conto. A ler e a xogar!

Ah! E premendo AQUÍ, podedes tamén cantar este conto, cantas cousas!

O RATIÑO DE CONMENIÑO, UN RATIÑO DE MAR...

Este ano, pola Festa do Marisco, o ratiño de Conmeniño viaxou aos fondos mariños. Aos fondos mariños de Conmeniño, claro! Onde descubriu moitas cousas grazas ao voso traballo. Mirade mirade!

Ademais disto, tamén lle quixemos ensinar algo de inglés, polo que entre o alumnado de 3º, 4º, 5º e 6º de primaria elaboramos esta actividade LIM sobre o mar en English!

24 DE OUTUBRO: DÍA DA BIBLIOTECA ESCOLAR 2012

Co lema, "Biblioteca escolar, acelerador de innovación", preséntase o cartel que neste curso 2012/2013 edita a Consellería de Cultura, Educación e Ordenación Universitaria  co gallo da celebración do mes da biblioteca escolar (outubro) e do Día da Biblioteca (24 de outubro) . Nesta ocasión, a ilustración correspondeu ao creador galego Andrés Meixide, que vén sumarse así aos ilustradores que teñen colaborado no obxectivo de difundir as posibilidades da biblioteca escolar (Manuel Mariño -2008, Miguelanxo Prado - 2009.

Non vos esquezades de pasar mañán mércores pola biblioteca e escribirme contándome por que é que "LER É UN PRACER!"

Un saúdo, ratiños, voume poñer guapo para mañá !

AI, QUE ILUSIÓN, A MIÑA PROPIA CANCIÓN!

Ola ratiños! O que descubrín! Mirade, mirade o vídeo!

video ratiño from Biblioconmeninho on Vimeo.

Sí, é unha canción dobre o ratiño de Conmeniño cantada polos nenos de 3º. Ai, moitas grazas! Encántame esta canción que me adicáchedes. Aquí debaixo vos deixo a letra, non tedes máis que premer na imaxe para ler e cantar esta fermosa canción escrita pola profe Luisa.

Biquiños de ratiño emocionado!

CONTACONTOS EN CONMENIÑO

Ola ratiños e ratiñas! Hoxe traio moi boas novas. Mañá, as 16:30 haberá unha sesión de contacontos na nosa biblioteca. Queredes saber quen vivía alá no cabo do mundo no país onde o vento da a volta? Se queredes coñecer a Camila, espérovos o luns na biblioteca. Eu estarei en 1ª fila!

Ay, que me esquecía! Se premedes na imaxe poderedes escoitar este conto tantas veces como queirades e facer unhas actividades moi divertidas sobre él.

MOCHILAS VIAXEIRAS CURSO 2012-2013

Ola ratiños!

Un curso máis, as mochilas viaxeiras comezan a súa viaxe. Neste curso poderedes gozar dos libros da mochila durante 2 semanas, para que non vos quede nada sen ler.

Estes foron os nenos que levaron as Mochilas nesta súa primeira viaxe do curso 2012-2013. Estou desexando ler que me contades nos vosos cadernos viaxeiros. 

Biquiños de Ratiño Lector!

VOLTA AO COLE

Ola ratiños!!!

Como van esos últimos días de vacacións? Xa vos queda pouco... Vémonos o mércores 22 de setembro!

CRÓNICA DUN FIN DE CURSO MOI ANIMADO

Ola ratiños!

Aquí vos deixo unhas imaxes do fin de curso. Parece que o pasáchedes moi ben. Agora sí que me despido, que pasedes unhas moi felices vacacións, vémonos á volta! Pero lembrade que podedes seguir léndome por aquí, atoparedes moitas actividades divertidas para facer durante as vacacións ademas de xogar, ir á praia, estar coa familia, ...

Que teñades un moi feliz verán! Biquiños de ratiño lector!!!

CONTOS PERSONALIZADOS

Ola ratiños! Como van esas vacacións? Espero que esteades a pasalo moi ben! Eu aínda non estou de vacacións, así que hoxe vos traio unha cousa que me quedara atrás. Déixovos un vídeo duns contos, pero non son uns contos calquera, non, son uns libros de historias personalizadas polos ratiños de 5º de Educación Infantil. Encantáronme, así que aquí volos deixo para todos! Que ben escribides, e que ilustracións, bo traballo!!!

O VERÁN, O MAR...

Ola ratiños! O verán xa case está aquí. Só quedan 2 días. Para ir abrindo boca, aquí vos deixo esta actividade LIM elaborada na EEI de Tarrío-Samieira coa que poderedes traballar cousas do verán e un dos seus grandes protagonistas: O MAR. Premede na imaxe!

Un saúdo de ratiño lector!

A VELLA LULULA

Ola ratiñ@s! Hoxe tráiovos a animación do conto A vella Lulula feita polos nenos e nenas do CEIP A Lama. Quedei abraiado, parabéns a estes nenos e nenas e aos seus mestres por un vídeo tan xenial.  Ah, e moitísimas grazas por compartilo con todos nós. Espero que vos guste.

Saúdos de ratiño abraiado!

PD: Non vos esquezades de ver o vídeo do noso festival das Letras Galegas no blogue de Dinamización Lingüística, ata cheiraba a mar dentro do cole! Premede AQUÍ.

O CONTO VIAXEIRO DE CONMENIÑO

Ola ratiños! Aquí tedes o vídeo do voso conto viaxeiro. Que bo traballo e que conto máis fermoso fixéchedes entre todos, e gracias por vir salvarme ao final ;)