NOVAS NA BIBLIOTECA

Ola ratiñ@s! temos libros novos na biblioteca. Mirade, mirade! Aqui vos deixo algunhas das súas portadas. Espérovos na biblioteca para descubrilos!

ATCHISSS!

Non estou resfriado, non. "Atchiss!" é o título da entrada de hoxe porque vos traio un conto que se titula así. Unha historia para escoitar, ver e traballar a comprensión coas actividades de despois do conto. Noraboa  aos blogues "Cuentos de Tihada", "Cuaderno de Colores" e "AulaTic" polo seu xenial traballo e graciñas por compartilo!

Biquiños de ratiño lector, ata a próxima!

CONTOS INTERACTIVOS

Ola ratiños e ratiñas! Como foron esas vacacións de Entroido? Espero que o pasarades moi ben e tiverades tempo de ler un pouquiño. Que circo se montou no cole, con moitos paiasos, forzudos, malabaristas, tigres e domadores, magos e ata unha orquestra puiden ver dende a fiestra da biblioteca, supoño que o pasáchedes de medo!

Hoxe traiovos un lugar moi especial no que poderedes atopar moitos contos. Son historias singulares, xa que tedes que elexir vós como continualas. Pinchade na imaxe inferior para acceder a eles e pasalo de medo con estes contos interactivos.

Un saúdo de ratiño ;)

ENTROIDO DE RATIÑOS

Ola ratiñ@s!!! Como van esas vacacións? Aquí vos deixo un conto con actividades sobre o Entroido. Que ten de especial ademais de ser unha lectura xenial? Que os seus protagonistas son ratiños coma min, lede e desfrutade!

Ah! e está en galego e en castelán. Moitas grazas á profe Ana Martínez Rey por compartir este grande traballo.

O DÍA DE SAN VALENTÍN

Ola ratiños!!! O próximo martes 14 de febreiro celébrase o Día de San Valentín, que é un día adicado ao amor, ao amor que se pode sentir polos amigos, á familia, a natureza, os libros, as cousas que nos gustan... Verdade que todos e todas estades namorados de algo e alguén? Eu estou namorado do queixo, e tamén dos libros, que son as miñas dúas cousas favoritas neste mundo. Precisamente nos libros, dende as grandes obras da literatura universal ata os contos, atopamos grandes historias de amor; senón me credes, vinde á biblioteca e atoparedes moreas de libros que alan do amor. Aquí vos deixo un destes contos, o de "Crocodilo Namorado", o conto para escoitar e algunhas actividades para traballar despois.

LECTURAS E COUSAS DE ENTROIDO

Ola ratiños!!! Que xa vin a que se está a formar no cole, cantos disfraces, canta festa! Por aquí vos deixo unhas cousiñas de Entroido para ler, xogar, aprender, ... e desfrutar!

Para aprender cousas do entroido en Galicia, premede  nos peliqueiros:

Un conto con actividades sobre o Entroido nunha carballeira premendo na imaxe de abaixo (podedes escoitalo en galego e castelán):

E aquí tendes moitas máscaras para imprimir, colorear e a todos abraiar!

A MAXIA DOS LIBROS...

Ola ratiños! Mirade que vídeo tan fermoso atopei, se é que cando eu digo que os libros son máxicos... Por iso me gusta a min tanto vivir na biblioteca, todo o día rodeado de libros, canta maxia ao meu redor!

CONTOS QUE FALAN DE PAZ

Ola ratiños! Hoxe vos traio estes outros dous contos nos que se nos fala da paz e o seu significado.

Para comezar, o conto "Me llamo Paz", lede a historia para coñecer a esta nena tan especial.

Open publication - Free publishing

E un conto escrito pola xenial Gloria Fuertes, "La Avestruz Troglodita".

Open publication - Free publishing - More avestruz

UN CONTO QUE FALA DE PAZ

Ola ratiños e ratiñas! Como o día da Paz xa está aí, déixovos este fermoso conto moi axeitado para calquera día do ano, pero especialmente para esta data na que celebramos no cole o Día da Paz e Non Violencia. Despois de escoitar o conto podedes facer as actividades relacionadas coa historia. Moitas grazas á profe Belén Junquera por este grande traballo.

O DÍA DA PAZ

Ola ratiños e ratiñas! Hoxe estiven a dar unha volta polo cole e vin que xa hai por aí algunha pomba voando, e claro, é que o próximo luns 30 de xaneiro conmemórase o Día Escolar da Paz e non Violencia. Esta data vense celebrando dende 1964 para conmemorar a morte de Mahatma Gandhi. Picando na imaxe de abaixo atoparedes un montón de actividades para traballar sobre este día. 

E aquí vos deixo unhas actividades para os ratiños mais pequenos.

 

E xa para rematar por hoxe, un abecedario da paz que quero compoartir con todos vós. 

 

 

Coma sempre, ratiños, boas e pacíficas lecturas, e ata a próxima!

MOCHILAS VIAXEIRAS

Ola ratiños!!! Hoxe traiovos un aviso/recordatorio. Acordádevos que as mochilas viaxeiras xa saíron da biblioteca. Agora están nas vosas casas, cada semana na casa de un de vós, para que disfrutedes coas súas historias e nos contedes o que vos pareceu. Non vos esquezades de traelas de volta o martes para que poidan partir rumbo cara un novo destino. Espero que disfrutedes e viaxedes moito coas historias que levan dentro. Boas lecturas viaxeiras!!! Ah, e aquí vos deixo unhas imaxes dos primeiros en disfrutar desta experiencia.

XA ESTAMOS DE VOLTA!

Ola ratiños e ratiñas!!! Que tal vai o novo ano? E que tal foi a volta ao cole? Eu estou encantado de que esteades de volta, e de ter compañía na biblioteca. Non sabedes o frío que está o cole cando non estades... Bueno, hai días, coma hoxe, en que vai frío igualmente, que mañá tan blanca tivemos hoxe!!! É que claro, o inverno xa está aquí, e con el chega o frío. Precisamente do frío vos traio hoxe un conto, o de Don Fresquete, queredes coñecelo? Mirade o vídeo no que se nos conta a sua historia e despois, premendo na imaxe poderedes facer unhas actividades moi divertidas sobre o conto. Boa lectura, ratiños!

   O Ratiño de Conmeniño :)