Ola familias,
Aquí tedes un vídeo resumo da nosa semana de entroido: mandadiños da meca, obradoiros, recreos de maquillaxe... e moito, moito baile ☺
Espero que o pasarades igual de ben que nós, moitas gracias, un ano máis, pola vosa participación e implicación.
Entroidos Creativos: o obradoiro de Artistas da maquillaxe foi todo un éxito!
Neste taller, os alumnos/as maiores tiveron a oportunidade de compartir a súa creatividade e destreza cos máis pequenos, peiteándoos e maquillándoos para dar renda solta á imaxinación e ao espírito festivo.
Os nenos gozaron moitísimo transformándose en animais, superheroes e personaxes máxicos, mentres que os alumnos maiores demostraron a súa gran habilidade para crear looks orixinais e divertidos. Foi un espazo cheo de risas, colaboración e, sobre todo, moita diversión!
Esta actividade non só permitiu que os máis pequenos vivisen unha experiencia única, senón que tamén fomentou a solidariedade, a cooperación e o traballo en equipo entre diferentes idades, creando un ambiente de aprendizaxe e creatividade que caracteriza á nosa comunidade educativa.
Sen dúbida, este obradoiro será un dos recordos máis bonitos destes entroidos. Xa estamos a pensar na próxima edición!
Estimadas familias:
Desde a escola queremos convidarlles a participar nunha actividade moi especial chamada "A Muller da miña vida" . Con ela buscamos recoñecer e valorar ás mulleres que forman parte da nosa vida, promovendo o respecto, a igualdade e a convivencia.
Para iso, cada neno e nena poderá enviar unha foto cunha muller importante na súa vida (mamá, avoa, irmá, tía, mestra, amiga…) xunto cunha pequena mensaxe que explique por que é especial para el ou ela.
As imaxes enviaranse ao correo indicado (biblioconmeninho@gmail.com) e serán parte dunha exposición no colexio, en relación co noso proxecto- Ollarte, onde celebraremos xuntos o papel fundamental das mulleres na nosa sociedade.
A través desta actividade, queremos fomentar no noso alumnado valores como o respecto, o agarimo e a gratitude , recoñecendo a importancia de quen nos coida, ensínannos e inspírannos cada día.
Grazas polo seu apoio e por ser parte desta fermosa iniciativa!
O cine e o xornalismo chegan á aula! 🎥
Esta vez foi a quenda de Víctor Gallego, director de documentais como Mulleres do mar, guionista e presentador en proxectos como O Salvador, ademais de xornalista e presentador de televisión.
Na súa visita, trouxo con el cámaras e material relacionado co mundo do cine, ofrecéndolle ao alumnado unha experiencia única para coñecer de preto como se crea unha produción audiovisual.
Ademais, tivemos o privilexio de asistir en primicia á presentación de Conexión Surfing, o novo episodio do programa de Movistar, de The Rapants, mergullándonos nun contido audiovisual de gran calidade e interese.
Grazas, Víctor, por compartir a túa paixón polo cine, o xornalismo e a televisión! Foi unha experiencia inspiradora que seguro que deixou pegada nos nosos pequenos/as grandes artistas. 🎬✨
#VíctorGallego #CineNaEscola #MulleresDoMar #ConexionSurfing #TheRapants #Xornalismo #ProxectoDeArte #AprenderÉUnhaAventura
ENCONTRO CON AUTORES- EDUCACIÓN EMOCIONAL
Hoxe tivemos o pracer de recibir a Baia Fernández, comunicadora e adestradora emocional, nun encontro especial coa lectura do seu conto "Caracol, cara de col".
Durante a charla, tamén exploramos os diferentes tipos de conflitos que xorden tanto no cole como na casa e analizamos diversas estratexias para resolvelos de forma positiva. 🧠
As emocións afectan directamente á aprendizaxe, ás relacións e ao desenvolvemento dos nenos/as, polo que axudarlles a xestionar os seus sentimentos de forma saudable fainos máis autónomos, resilientes e felices. Foi un encontro enriquecedor que nos deixou moitas reflexións e ferramentas para seguir traballando na construción dunha contorna máis empática e consciente.
#EducaciónEmocional #IntelixenciaEmocional #BaiaFernández
O alumnado de Educación Infantil elaborou corazóns ao estilo Romero Britto, pintor e escultor brasileño que combina elementos do cubismo estereotipado, arte pop e pintura de grafiti 🎨🖌️
PINTURA INCHABLE 🎨🖌️- Experimentos creativos, organizados polo alumnado do Club de Ciencias, nos recreos da biblio.
Emprender dende a escola!
No noso cole estamos a participar en Depoemprende, un proxecto no que o noso alumnado aprende a crear a súa propia cooperativa. 🏢💡
.png)
.png)
.png)
.png)
