Un ano máis chegou ao noso colexio a tan agardada Semana dos Xogos Tradicionais, unha ocasión perfecta para recuperar a maxia dos xogos de antes e compartir momentos cheos de diversión.
Grazas á colaboración de Cándido Mascato, quen nos volve prestar a súa magnífica colección, puidemos desfrutar dunha ampla variedade de xogos populares que forman parte do patrimonio cultural do Grove.
Ao longo destes días, nenas e nenos, mestras e mestres e todo o persoal do centro gozamos coma nunca, rindo, aprendendo e lembrando que xogar tamén é unha maneira de facer comunidade, de manter vivas as nosas raíces e, sobre todo, de ser felices.
Porque xogar é un dereito... e un pracer que non pasa de moda!
Ningún comentario:
Publicar un comentario