martes, 24 de marzo de 2015

24 DE MARZO DE 2015-UNHA DATA PARA RECORDAR


Hoxe, día 24 de marzo foi un día moi especial no noso colexio, xa que despedimos ao noso director, Pepe no día da súa xubilación. Despois de tantos anos de traballo e adicación ao noso colexio quixemos prepararlle unhas sorpresiñas para que teña un bo recordo de nós. 

 Aproveitando a ocasión, encargámoslle ademais un pequeño traballo, o de inaugurar a nosa nova biblioteca, que, aínda a falta de algúns detalliños, está lista para empezar a gozar da aventura da lectura e ser lugar de partida de moitas viaxes moi interesantes.


Unha vez inaugurada, decidimos que a mellor maneira de estreala era entrando todos para darlle alí ao noso director, algunha sorpresiña máis. E así o fixemos, todos sentadiños na biblioteca, vimos o vídeo homenaxe que lle preparamos entre todos os nenos do cole.



Despois de ver o vídeo, démoslle uns pequenos agasallos todos recollidos nunha MALETA PARA UNHA XUBILACIÓN CHEA DE SABORES, VIAXES E DIVERSIÓN!


Na maleta: "Para unha doce xubilación: 39 desexos polos teus 39 anos na profesión" (chea de 39 bombóns envoltos cada un cun bo desexo para a súa xubilación)


Un mandil personalizado para polo mundo montado nun prato poder viaxar.


E, xa case para rematar, cantámoslle unha rancheira mexicana ("Las mañanitas").


E... despois do noso pequeno homenaxe, e a inauguración da biblioteca, cando chegou a súa clase... ALÍ ESTABAN AS FAMILIAS; CUNHA FESTA PREPARADA E UNHA TORTA MOI AXEITADA PARA A OCASIÓN (ver arriba) ;)



Foi un día xenial, cheo de emocións, entre elas a tristura de que se vaia o noso director e compañeiro ao que IMOS BOTAR TODOS MOITO DE MENOS!

Para ver máis fotos da celebración, só tedes que premer AQUÍ.

No hay comentarios:

Publicar un comentario