Día Escolar da Non Violencia e da Paz

A paz é un elemento clave no noso proxecto anual e por este motivo traballamos coa canción Apertas que Voan de Brinca Vai e fixemos un flashmob con todo o alumnado do centro. Rematamos a proposta formando entre todos os educandos a palabra paz no exterior do colexio.

Así mesmo, cada neno/a recibiu unha silueta na que podía debuxarse a el mesmo como Superheroe /Superheroína ou debuxar unha persoa que sexa un Superheroe ou Superheroína pola paz. Ademais, na propia silueta describiron porque esas persoas contribuirían a crear un mundo mellor.

No seguinte enlace podedes ver o resultado final:

https://www.youtube.com/watch?v=C1G8rV9DcpI&feature=youtu.be

Despedimos o 2017 e damos a benvida ao 2018!

Logo de gozar dunhas merecidas vacacións de Nadal, comezamos o segundo trimestre con moitas ganas e ilusión por seguir profundizando nas diversas investigacións que se están a levar a cabo dentro do Proxecto: Superheroes e Superheroínas por un mundo mellor.

E para que vexades todo o que xa levamos traballado, aquí vos deixamos os diferentes vídeos que cada nivel elaborou da súa investigación ao longo do primeiro trimestre:

                                                           EDUCACIÓN INFANTIL

1º 

                                                                       
                                                                         2º

3º

4º

5ºA

5ºB

6º

CURTAMETRAXES DE EDUCACIÓN EMOCIONAL NA BIBLIOTECA.

Na última semana do primeiro trimestre proxectáronse diversas curtametraxes na hora do recreo centradas na educación en valores, para os diferentes cursos do centro, que foron acompañadas dunha reflexión logo da visualización das mesmas. As obras seleccionadas foron:

- El puente (Educación Infantil).

- Party cloud movie (1º).

- La hormiga mentirosa (2º).

- La luna (3º).

- Piedra, papel o tijera (4º).

- The birds (5º).

- Abrí tu corazón (6º).

1º CONCURSO DE CONTOS E POESÍAS DE NADAL

Neste curso 2017-2018 levouse a cabo o primeiro concurso de contos e poesías de Nadal no que participaron as nenas e nenos de 4º, 5º e 6º de Primaria. Todos escribiron textos de gran beleza e foi moi díficil escoller os gañadores que resultaron ser: Nicolás Franco (4º), Saúl Naveiro (5ºA), Andrea Bea (5ºB) e Mar Pérez (6º).

Aquí vos deixamos as obras te todos os participantes para que gocedes da súa lectura.

CALENDARIOS NADAL 2017!

Como vén sendo habitual, este Nadal as nenas e nenos elaboraron calendarios personalizados nos distintos niveis. Mirade que ben quedaron!

Madriñas e padriños lectores.

As nenas e nenos de terceiro exerceron de madriñas e padriños lectores para o alumnado de Educación Infantil. Narraron dous libros centrados nos valores que están a traballar no seu proxecto de aula que leva por nome: superheroína e superheroe interior. 

As dúas obras que escolleron foron: Menudo Nubarrón e Pequena Mancha.

As nenas e nenos de Educación Infantil quedaron abraiados con estas historias tan fermosas!

Xa temos logo para o noso proxecto!

Neste mes de decembro escollemos o logo identificativo do noso proxecto "Superheroes e Superheroínas por un mundo mellor". O logo seleccionado foi realizado por Áfrika Álvarez Iglesias de 5ºB. O conxunto do grupo elaborou o logo a gran escala para decorar a entrada do colexio xunto co mural principal.

Coñecemos mellor as nosas illas

Viñeron visitar o noso cole catro superheroínas do Parque Nacional Marítimo Terrestre das Illas Atlánticas de Galicia. A través dun corvo mariño chamado Martiño explicáronnos diferentes aspectos da fauna e flora das Illas, así como tamén a importancia do seu coidado.

Canto aprendemos!

VISITOUNOS... ANXO MOURE

Esta semana recibimos unha visita moi especial. Contamos coa presenza do Superheroe Anxo Moure.

Anxo transmitiunos a través dos seus contos a importancia do coidado da natureza. Loitamos contra o lixo nos ríos, a contaminación das fervenzas, a seca das lagoas, os lumes nos montes...

Moitas grazas por vir!

NOVAS DO CURSO 2017/2018

Ola ratiñas e ratiños.

Neste curso 2017/2018 o proxecto do noso cole será o de "Superheroes e Superheroínas por un mundo mellor" e as mochilas viaxeiras xa están chegando aos diferentes fogares con libros que contribuirán na difícil tarefa de facer deste planeta un lugar máis acolledor.

Como o curso pasado decoramos as portas das clases en relación co proxecto e o Día das Bibliotecas (24 de outubro) fixemos unha visita a todas en grupos explicando cada nena e neno desa clase o traballo realizado.

Ademais, o mércores 25 de outubro o alumnado de 5º de primaria recibiu a visita de dúas persoas da Biblioteca Municipal coas que compartiron a importancia do coidado dos libros. Analizaron o porqué do deterioro de varios exemplares e en equipo buscaron solucións para arranxalos.