ABRIL MES DOS LIBROS VI: NOVIDADES EN BIBLIOCONMENIÑO

Ola!

Hoxe traémosvos novas dende Biblioconmeniño, xa que hai novidades na nosa biblioteca! A partir do mes de abril, xa sabedes, o mes dos libros, algúns dos nosos libros cobraron vida fóra das súas páxinas. 

Que que libros son? Pois aqueles que vexades que teñen un código QR na portada.

Para que serve ese código QR? Escaneando ese código accederedes ben a unha imaxe interactiva na que se aloxan o audio do libro, información do autor,  vídeos e/ou xogos relacionados; ou a un enlace no que hai un vídeo sobre ese libro (por exemplo os libros dos que creamos a película en Stop Motion, como Troco, Non quero ser un polbo, ...)...
 Polo de agora, a maioría dos libros co código QR son os libros en inglés, xa que aproveitamos á nosa auxiliar de conversa, Alyssa, para que gravase coa súa voz estes libros e convertelos así en audio-libros.

Agardamos que gocedes así aínda máis das vosas lecturas!

ABRIL, MES DOS LIBROS V: REPRESENTANDO UN CONTO CON TÍTERES

 Polo Día do Libro, os nenos de 6º de Ed. Infantil montaron un teatro de títeres e representaron con el os conto "Los tres cerditos", deixámosvos aquí algunhas das súas representacións.

 Bo traballo, ratiños!

ABRIL, MES DOS LIBROS III: APADRIÑAMENTO LECTOR

Como xa ven sendo tradición, outra das actividades levadas a cabo polo Dïa do Libro foron os apadriñamentos lectores. Os nenos de 4º a 6º, en parellas, convertíronse en "padriños" lectores para os nenos de Infantil a 3º.

O primeiro foi organizar as parellas e escoller os libros que ían empregar: un informativo e un de ficción.

     

Despois de practicar como iamos presentar os libros escollidos aos compañeiros, organizamos dúas sesións de apadriñamento lector, nas que todos nos acercamos aos libros da biblioteca dunha maneira diferente.

 

    

Os pequenos de 6º de infantil recolleron despois os contos que lles contaran e a súa opinión sobre os mesmos.

Unhas xornadas moi agradables gozando da lectura como valentes que somos ;)

ABRIL, MES DOS LIBROS II: OS LIBROS SON PARA VALENTES E O NOSO CONSELLO POLO DÍA DO LIBRO

Ola a todos!

Aquí estamos de novo, no mes dos libros, con máis cousiñas relacionadas co Día do Libro.

En primeiro lugar deixámosvos un consello que vos queren dar os nenos de 5º e 6º a aqueles que aínda non len (se é que queda alguén por ai...). Prepararon un vídeo inspirándose nun feito polos nenos da biblioteca dun instituto americano, MDIHS Library. Agardamos que vos guste e que vos riades un chisco con nós ;)

E, para rematar por hoxe, compartimos tamén aquí, o fermoso texto escrito por Pedro Feijóo co gallo do Día do Libro "Os libros son para valentes".

E, inspirados por este fermoso texto, os nenos da EEI de Barrionovo, en Arteixo, fixeron un vídeo moi orixinal, premede AQUÍ para velo.

Nos vindeiros días publicaremos algunhas imaxes das sesións de apadriñamento lector, unha actividade feita polos pequenos de Ed. Infantil e as tarefas do obradoiro de escritores relacionadas co Día do Libro.

Agardamos que teñades todos un Feliz Dïa do Libro!

ABRIL, MES DOS LIBROS: VISITOUNOS... MARÍA SOLAR

Ola a todos!

Hoxe foi un día especial en Biblioconmeniño, xa que, dentro das actividades organizadas en abril como mes dos libros, visitounos María Solar, a autora do libro que os nenos de 4º a 6º estivemos a ler e traballar "O meu pesadelo favorito".

Sara, Ainhoa, Zayra e Aitana fixeron o cartel para recibila. 

Durante a súa visita falounos das cousas tan especiais que lle trouxera este libro, contounos varias anécdotas moi curiosas, falounos dalgunhas das personaxes... Estivo moooi interesante!

Tamén lle puidemos facer preguntas, foi como unha entrevista de grupo, coa que aprendemos unha morea de cousas que compartiremos con todos vós na revista do colexio máis adiante!

Polo de agora, deixámosvos algunhas fotos desta visita tan interesante.

Moitísimas grazas polo teu libro e pola visita, María, encantounos coñecerte!

ABRIL, MES DOS LIBROS - ACTIVIDADE LIM ESPANTALLO AMIGO

Ola a todos!
Unha das actividades neste mes do libro está a ser a lectura do libro de Xosé Neira Vilas "Espantallo Amigo", do que tamén asistiremos a unha representación teatral.
Como complemento, deixámosvos unha actividade LIM sobre o libro e o autor.

E deixámosvos tamén algunhas fotos do día da representación na Casa da Cultura da nosa vila.

OBRADOIRO DE ESCRITORES III- ESCRIBIMOS UNHA RESEÑA LITERARIA

Ola a todos!

Este mes, por ser o mes do libro, o noso obradoiro de escritores vai consistir en escribir unha reseña sobre un libro. Deixámosvos a continuación unhas pequenas pautas. 

Obradoiro Escritores IIi from TeacherMarta

Ánimo, super escritores!

Ah! E se queredes lembrar cousiñas sobre a celebración do Día do Libro, vos deixamos aquí algúns xogos, lecturas, ...

VISITOUNOS ANXO MOURE E... QUEDAMOS ATRAPADOS NAS SÚAS HISTORIAS!

Ola ratiños!

Como xa vos prometeramos, aquí vos traemos as fotos da visita de Anxo Moure.

Dentro das actividades do mes do libro, o pasado luns 27 de abril, tal e como xa vos contaramos AQUÍ, agardabamos impacientes a visita do autor e contador de historias, Anxo Moure.

Dende Chantada, chegou no seu NUBINETE listo para atraparnos a todos coas súas historias e conversacións coa natureza.

Escoitamos atentos, axudámolo coas súas historias, cantamos, bailamos e ata puidemos subir no seu nubinete!

Foi unha mañán moi divertida, na que grandes e pequenos, gozaron escoitando historias inspiradas no seu libro "O Paraugas Dameaugas" e nas súas conversacións coa natureza, na súa casa da árbore en Chantada.

Deixámosvos aquí co seu conto sen palabras e algúns anaquiños máis da súa actuación no noso cole.

Se queredes ver todas a sfotos, só tedes que premer AQUÍ.

SEMANA DO LIBRO- APADRIÑAMENTO LECTOR

Ola a todos!

Como ben sabedes, a pasada semana celebramos no cole a Semana do Libro. Todos os nenos do cole participamos en dúas sesións de "Apadriñamento Lector". 

En que consistiu? Como nos organizamos? Aquí volo contamos todo! 

Os "padriños" lectores foron os nenos de 3º a 6º de primaria organizados en parellas. Estas parellas, previo ás xornadas de apadriñamento lector, tiveron que escoller dous libros, un informativo e outro narrativo para contar aos máis pequenos do cole. Tiveron que ter en conta o seu público ademais dos seus gustos lectores, o que serviu para que, en moitos casos, coñeceran libros ata o momento descoñecidos para eles.

Unha vez escollido o libro, o que nos serviu ademais para ir familiarizándonos co novo sistema de catalogación dos libros da nosa nova biblioteca, rexistramos a nosa elección nunha lista.

E comezamos a practicar como lle iamos contar o libro aos nosos "afillados". Practicamos durante varios días para que todo saise xenial!

 E... chegou o martes 21 de abril, o día da nosa 1ª sesión de apadriñamento lector! Libros e padriños preparados!

Collemos a 3 nenos dos cursos inferiores, formamos un mini club de lectura nun recuncho do patio e... A VIAXAR COA LECTURA!

E así transcurriron as nosas dúas sesións de apadriñamento lector. O martes con ficción e o xoves con libros informativos que incluían: libros de animais, sobre alimentación, Xeografía, Paleontoloxía...

Foron unhas xornadas moi entretidas ademais de enriquecedoras, nas que todos gozamos da lectura dun xeito diferente. Foi ademais unha actividade cooperativa entre todo o alumnado que transcurriu sen incidencias e nun clima moi agradable. De seguro que repetiremos! 

Estade atentos que en breve vos contamos como foi a visita especial que tivemos hoxe no cole!

PD: Se queredes ver máis fotos e descargalas, só tedes que premer AQUÍ.