Ola familias, alumnas e alumnos, O CLUB DE CIENCIAS ESTÁ DE VOLTA UN ANO MÁIS!
Contámosvos e ensinámosvos toda a información a continuación:
1º Trimestre: durante o primeiro trimestre, no noso Club de Ciencias iniciamos a aventura coa acollida e presentación do club, creando un espazo onde a curiosidade e a aprendizaxe son os protagonistas. A continuación, exploramos a relación entre a música e a ciencia, así como o arte circense, descubrindo como o son, o movemento e o equilibrio están cheos de explicacións científicas que fascinaron aos nosos pequenos científicos.
2º Trimestre: durante o segundo trimestre, o noso Club de Ciencias encheuse de creatividade, aprendizaxe e diversión con experimentos que conectaron a ciencia coa arte e a tecnoloxía. Os nosos pequenos científicos exploraron catro fascinantes áreas: a pintura, a arquitectura, a fotografía e o cine, descubrindo como a ciencia está presente en cada unha delas.
3º Trimestre: neste último trimestre do curso, o noso Club de Ciencias continuou a súa emocionante aventura combinando creatividade, coñecemento e experimentación. Os nosos pequenos e pequenas científicos/as mergulláronse en novas disciplinas, descubrindo a conexión entre a ciencia e diferentes expresións artísticas. Comezamos explorando os segredos da fotografía e a maxia do cine, seguimos coa inxeniosa arte da arquitectura e achegámonos ao mundo tridimensional da escultura. Para rematar, fixemos unha viaxe polo arte en todas as súas formas, recoñecendo como a ciencia pode ser unha ferramenta para crear, interpretar e comprender o mundo que nos rodea. Foi un trimestre cheo de descubrimentos e inspiración!
Ningún comentario:
Publicar un comentario